營養師黃凱詩的生活點滴

2009年11月21日星期六

忙碌的一天...完成了


我今日其實無咩做過嘢! 瞓到10點半先起身,寫好星期一份稿,跟住去咗個私人聚會講咗個講座,轉頭就返番銅鑼灣出席另一個減肚腩講座,但係唔知點解,今日返到屋企後...唔係,應該係搭緊車期間,我已經覺得自己粒電著哂紅燈,都幾嚴重,我諗今個星期六都要好好叉電。


雖然真係好鬼...累,但係今日又好想同大家分享下自己食咗D咩,D戰友成日見完我之後都會問:今日想出街食飯,有咩好介紹,其實遠比我剛剛入行嘅時候,而家係外面食嘢,已經多咗好多選擇,好啦...既然大家當咗哩度係減磅戰友嘅Open Rice,我今日就介紹我哩間飯堂,佢就係x翠拉麵,(我唔係想x個字,但係諗唔到個字點打,體諒下,平日有車厘子做打手),我覺得佢個拉麵唔錯,我今日揀咗紅燒牛肉拉麵,有時我鐘意食嫩雞燴麵,仲有個清燉雞湯麵都適合戰友啦!我今晚同朋友share,所以仲可以食醉雞,大家戰友可以試下,減磅唔係淨係屋企食飯,間中出下街都要啦!話時話,有無發覺我近排無教大家自己煮嘢食呢?原因好簡單,我日日都唔係屋企食,下個禮拜啦!因為tvb嘅食譜又要趕趕趕喇!唔得喇又要叉電又要同milo做運動,byebye!!

6 則留言:

匿名 說...

等我幫幫你啦....你個"x"字係咪 = "翡"呀?...如果係的話就係 "中卜尸一一"...我返工除左要同人傾電話之外..仲都算係個稱職"秘書"黎架!!! hehehe..

Starry 說...

你仲未開始學倉頡呀?
Y_Y:::

匿名 說...

你好似又瘦咗!不過好似靚咗!

匿名 說...

每次到這間食店我也必吃紅燒牛肉麵,牛肉很軟滑。Yummy!

WS

匿名 說...

我雖然都係一個"稱職的秘書", 但第一位留言唔係我呀! 因為我仲操練緊倉頡, 番工仲唔想聽(老細打番嚟長氣嘅電話騷擾),同埋嚟緊至下個月中, 我將會忙到癲. 真係好想借妳對左右手幫我呀! :D

匿名 說...

係啦!如果你多講有咩食,戰友就多好多選擇!