跳至主要內容

超好味又瘦身的...大番薯

大番薯...唔係講緊老父子個Friend,日本番薯也!

俾大家睇下,係咪好靚呢? 我話個碗係咪好靚呀!唔係d番薯!哈哈哈...個碗係sogo減價掃架,個碗前面有條貓尾,好搞笑:)

講番正經嘢先,由於近日天氣涼涼地,經常叫戰友食下番薯,所以就諗住教下大家點做美味番薯片,材料當然緊要啦!所以都係買日本番薯,噚日係citysuper買咗兩大個,15大元,好正!

好...準備好未,首先烚熟個番薯先,15-20分鐘啦!8成熟可以了,如果唔係太稔,跟住用條乾毛巾或者kitchen paper『索一索』佢,接住哩一步好重要,就係用把鋒利D嘅刀切片,專家話(即係我)最好係0.4厘米,跟住用好少好少油(少於1茶匙)再用中火煎或者叫做烘,金黃色後就落少少海鹽,1/4茶匙好喇,嘩!真係好味都極!試過你就知...

留言

匿名說…
整啲呢比我呢個戰友1號食好唔好呀? :D
匿名說…
Hi Cynthia,

我唔係想係度賣廣告,不過咁啱今日有個超低嘅消息想推介比戰友,因為你成日同我地講要做帶氧運動嘅,有個Funky Dance course 依家做緊promote,只要188元就有十堂,如果有人介紹仲會有一堂試玩,即係十一堂,每堂一個半小時,我只係想大家努力一齊努力,又唔使一個人做咁悶,唔知呢個適唔適合哩? 我唔敢寫太多資料,因為唔知得唔得.
匿名說…
好好味呀!今晚學你煮左喇!
匿名說…
那個dance course係邊間搞嫁?
我想知多d呀!
想係我個Blog賣廣告,如果係健康嘅方法就無所謂,但有一個要求,麻煩你將資料先傳俾我,等我確認下個方法先,同埋麻煩你留個名同email俾我tocynthiawong@gmail.com,如果唔係...我就好抱歉...可能要...希望你明白!!
匿名說…
我都好鐘意你個碗,唔知仲有無得賣呢?
Cecilia
匿名說…
原來加少少鹽差好遠!愛上咗番薯片!
匿名說…
我都想知你個碗係邊度買架,因為我都想買返隻
匿名說…
係咪連皮食架?
匿名說…
d日本蕃薯唔係好細條o既咩, 乜有咁大條架?! 咁點換算呀?

maivs
Vivian說…
hello,其實我想講多謝妳在妳的 blog 分享這麼多心得。我之前聽了妳的講座。雖然沒有參加妳公司的減肥班,但我有認真的考慮妳說的減肥原理,慢慢的改變了自己的生活習慣,這6個多月已減了11磅 (而且一直是直線下降,我相信還會輕多幾磅)。我152cm,而家由108減到97了。雖然好慢,但過程不算辛苦,而且生活習慣真的改了,吃少了又吃得比較健康,而且多了運動,我相信反彈的機會不大了。所以我真的很感謝妳。希望妳的戰友都個個成功啦!!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。