營養師黃凱詩的生活點滴

2009年11月13日星期五

由夏天變冬天

我記得以前讀書,我講細細個嘅時候呀,教科書話香港係一個四季分明嘅地方,有春夏秋冬,但係今時今日,我諗個地球病得好緊要,一日嘅溫差可以有12度,這種改變係提緊大家環保D啦!仲提緊大家要保重身體,因為咁嘅溫差改變,好容易中招,所以一定要鞏固下D抵抗力!

所以今日想提下大家,揀下維他命C豐富嘅生果同菜,唔駛多架,足夠就得,有好多朋友都以為剩係水果例如:橙呀、奇異果、木瓜先有維他命C,但有D蔬菜都有架,仲好勁添!

佢咪係我最鐘意嘅三色椒囉!但佢哋三個D維他命C都好大分別架!

以一個大碼三色椒計算:
綠色=132毫克維他命C
紅色=209毫克維他命C
黃色=341毫克維他命C
記得煮佢要用少D水,因為D維他命C係水溶性,好易受傷架!同我把聲一樣!!點解?

唉!我今日無咩講嘢,維持咗1日,攪咩!咪講得太多嘢囉!噚日講完個講座就覺得把聲怪怪地,中醫大人俾咗仙丹我,我諗都係要搵Miss Chan Chan教下我用丹田氣講嘢先得,如果唔係遲d要用畫畫寫字溝通呀!

8 則留言:

匿名 說...

你要好好保養把聲呀!!

匿名 說...

咁妳仲食辣嘢?! 學吓姐姐我用羅漢果煲水嚟飲喇, 好滋潤架!

匿名 說...

我都覺得你要學下用聲:)好多人仲要聽講座架!好有資訊同娛樂性!

匿名 說...

小心保重身體同把聲呀~
天氣轉,唔好冷親~

Tomato

匿名 說...

錫住自己先得架!!你講嘢咁好笑,好多人需要你架!

匿名 說...

你成日要講野,應該麻煩你的日本朋友幫你買『龍角散』

匿名 說...

小心保重,唔好講咁多嘢喇!
Sue

匿名 說...

小心保重,唔好講咁多嘢喇!
Sue