跳至主要內容

Inspiration...


剛完成講座,有點餓,吃了這個作為晚餐,雲吞麵。或者因為太肚餓,碗麵特別好吃。

有時候,我經常同減磅戰友講:在減磅過程中,雲吞水餃並不是最理想的選擇,嚴格地說,若將食物分為紅黃綠三個等級,她最多只是黃色食物,點解,若果你仔細留意,雲吞內,有2-3成的肉類是肥豬肉,所以不能勝任最理想的減磅拍檔囉!
但係今日唔係淨係想同大家講粒雲吞,而係想同大家分享一段片,昨天沒有寫blog,就是因為他,睇完之後,我深信你會有一番體會,本來想將youtube條片放係個blog,但做不來,有時間上youtube打man with no legs and arms-inspirating story,看完之後,你或許會認同,在這個世界,沒有事是不可能的,問題是你容許這事變成可能嗎?希望看完後,你同我一樣,有這種啟發吧!共勉之!!

留言

匿名說…
看過了,多謝你的分享,你那隻DVD那裡有得賣呢!想與學生分享,現時的下一代被寵壞了,真難教,小小的挫折就要放棄!!
匿名說…
咁啱我哋公司星期一早上嘅早會都係用"Nick Vujicic"嚟鼓勵同事喎!
匿名說…
我都覺得人與人之間需要鼓勵,多謝你花時間鼓勵大家!
匿名說…
我自己包雲吞應該無問題啦!但雲吞片計什麼?
匿名說…
hi, miss wong, how about using fish ball/slice instead of wonton, is it OK on calory and nutrient? do we have to change noodle to rice noodle, of course i think the vegetable is a must. stephanie
Starry說…
7塊白色既上海雲吞皮=1份五穀(營養手冊有寫)
匿名說…
我睇咗喇!真係好適合現今的年輕人,佢哋有少少挫折都唔得!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。