跳至主要內容

海綿豆腐...冰冰冰豆腐也!

海綿有咩特質,內有小孔,吸力超強。
咁豆腐又點可以變成海錦狀,原來好簡單。

準備好材料同器皿先,一盒豆腐,仲有一個有兩層的食物盒。將件豆腐切開先啦!自己睇就明!
跟住放入一個食物器皿裡面,最好有兩層,因為之後溶雪時可容易流走水份。
之後就進入最重要的環節,急凍也,將豆腐放入冰箱,我就放咗一晚,嚿豆腐入咗冰箱之後,佢因為凍親,所以就將裡面的構造破壞哂,形成網狀的小孔。
之後就攞番出尼係室溫解凍約一小時,又或者我尼嚿係之後再放入雪櫃,唔係冰箱呀...大約半日,等嚿豆腐入面嘅冰溶雪,就會變成咁嘅樣,成件白雪雪海綿咁,但記住,佢吸力超強,千奇唔好同肥牛一齊烚,如果唔係,你知會有咩後果啦~
係咪有D似高級火鍋店嘅水準呢?

留言

匿名說…
個凍豆腐,我上次食火鍋試過,真係好好味,原來可以自己做,等我今天試試!
匿名說…
唔舒服好好係屋企休息下
匿名說…
月初我於City'Super 買過由台灣製造的現成製品名叫 "凍豆腐" ,原價港幣12元一盒,當時特價賣10元。

ws
Starry說…
凍豆腐又或者叫做冰豆腐係上海人常吃的菜色之一, 通常用黎放湯+紹菜/娃娃菜+蛋餃+鹹肉/排骨同吃的, 還可以加其他丸類, 用黎打邊爐都可以呀. 你鍾意的話可以放多幾磚放耐d係雪櫃, 咁幾時都有豆腐食啦~

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。