跳至主要內容

集齊一套未?

這幾天,很多人談論起這一套多啦A夢 (唔好扮細啦! 我細細個時,佢明明叫叮噹?!)

星期日,細佬打電話俾我,叫我去街嘅時候留意下,仲有無一套出售,我行咗幾間麥當當,全部人都答我賣哂! 咁無辦法啦! 唯有幫佢係度呼籲下,如果有人見倒佢嘅蹤影,就話我知啦!

講開集齊一套嘅問題(又在借題發揮),唔知大家都集齊我一套三本嘅著作未呢? 如果未,就暫時要等下喇!因為前日出版社話我知,第三本,即是<瘦得有營>竟然然然然然然缺貨,現在加印中,所以欠一本嘅朋友,就等多一個星期啦! 但若果你已經集齊一套三本,就恭喜哂,獎你兩張2月10日(星期三)係銅鑼灣中央圖書館的<肚腩...非減不可>talk show嘅門票,係咪好體貼呢?Hehehehe.....Anyways,多謝大家的支持啦!

講俾大家知我今日去咗邊度tea,咪就係去咗佢屋企囉!

今日飲咗佢,都唔錯,一杯走糖的skimmed milk latte~Yummy!!

唔講喇!米路仔生日,準備咗自助餐俾佢!Bye Bye!

留言

匿名說…
Dear Cynthia,

Congratulations! I've already got all the 3 books. Looking forward to your fourth book soon.

Happy birthday to my dear Milo. By the way, I want to know the list of food for his buffet dinner.

WS
匿名說…
邊度有這家cafe?I love SNOOPY~~
匿名說…
我早2日見灣仔集成中心果間麥當當有一套賣呀
匿名說…
齊哂一套喇!恭喜哂喎又印多版,祝你今年新作一樣暢銷!
匿名說…
米路仔, Happy Birthday, 你個大頭相在我桌面, 每日都看住你!!!!
匿名說…
米路仔,你就好啦!有主人同你慶祝,祝你生日高陞,做一隻快樂小貓咪!
匿名說…
我已儲齊一套,今日亦已換了2月10日的飛了!
匿名說…
幾時有貨可唔可以話俾我知,我打算送本俾阿姨,鼓勵下佢減肥成功!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。