跳至主要內容

仲有仲有...

我都知夜媽媽唔應該Post啲咁美味嘅食物引誘大家,但係由於佢係我成個台北之旅嘅三大最美味食物之一,所以點都想講多一次,佢係台灣牛肉麵囉,這家不是大家慣常去的永康牛肉麵,而是在附近的另一家老店叫老張牛肉麵,我更愛這家麵食係因為佢有辣的,總覺得永康的少了一點辣吧! 台北市愛國東路105號見~
今日見咗大部份尖沙咀嘅戰友,大家都好叻,大多都是重了1磅,算是不錯了,經我囉唆後,都食得聰明咗,估都估唔倒,重得最多的,竟然係我,在台北與麻辣火鍋、牛肉麵、胡椒餅等等激戰後,今日體重驚見113.5,重咗足足3.5磅,榮登增磅榜首,所以...我要減肥喇,暫時唔好再俾朱古力我食喇,仲有你哋啲曲奇餅呀!千萬吃以為我唔會肥,係會架,但最緊要,有始有終,你要識得停,咁樣先可以Fit一世架!
好...明天減肥第二天!!一齊努力啦!

留言

匿名說…
Ha! Ha!
Now I won't feel guilty any more (gaining 3 pounds after last trip to Taipei).
Cynthia is not different from us --- can't resist tasty food.

WS
匿名說…
這是我欣賞她的原因呢!佢係會話俾大家知佢都係正常人,同樣喜歡美味食物,但佢亦會告訴大家凡事又要識停有節制,唔會走火入魔先會永遠健康窈宨,多謝你,我從前就係以為以後都唔食得肥嘢所以好怕見營養師,但你真係好唔同!Chek Kei
匿名說…
好啦!咁就一齊努力啦!平日無機會同你講這句說話,haha!
匿名說…
咪玩啦!!113.5lbs,重咗足足3.5磅<--咁即係你原本有110lbs, 你邊忽似有110lbs, 你咁鬼瘦!!!
匿名說…
係啦,望落去完全唔似110lb
匿名說…
我想問你昨天講馬拉松的飲食策略,可否講多一次,昨天只聽了一半!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。