營養師黃凱詩的生活點滴

2010年3月10日星期三

三文魚魚...我要食!!

由於噚日試完把利刀,發覺佢切肉(我話我D肉)都切得幾齊口之後,我今日就買咗一塊三文魚再測試下佢嘅威力,將件大約90克嘅三文魚柳切開小件。可能有D朋友話,好好一件三文魚做咩切開佢,哈哈!梗係有原因啦! 細嚿D Ling 去煎,用1/2茶匙油,四面都會脆卜卜,再洒上香草,好鬼正架!

有幾正,睇下佢個貓樣就知啦!知唔知咩叫貓視眈眈...每次煎親三文魚佢哋都會呱呱叫!


這是我今天的晚餐,好簡單架!剛才放工,去咗對面惠康買咗件特價$20嘅三文魚柳,炒咗蘑菇兼煮咗天使麵,個雪櫃仲有噚晚剩返嘅車厘茄,又一餐!

講開三文魚,仲有包零食想介紹俾大家,佢係抽乾水嘅超高奧米加三的三文魚粒粒! 吖! 弊! 大家唔好開心住,我想介紹俾...各位貓奴們,這包三文魚粒粒,我兩隻小魔怪愛到死,值得一試,我講D貓咪呀!

8 則留言:

匿名 說...

點解佢個貓樣有D似你?咁為食?!不過好CUTE!!
bonnie

匿名 說...

這幾天的食譜真的好好, 又容易做,為我解決了買咩餸的難題, 如果每天都有就好了, 哈哈!!!

匿名 說...

妳真係好勁呀!

每次見到妳整的食物, 都會覺得好肚餓, 好想即刻有得食....

請問90克嘅三文魚, 相等於幾多份肉呀? 係以生肉計 or 熟肉計算? Thanks!

CL

匿名 說...

好似好簡単,又好好味:P...果然係天才小廚師!!

匿名 說...

隻猫的眼神真是好似您架!!

匿名 說...

真係以為有新零食介紹??!!點知原來係貓貓的!

匿名 說...

昨晚講座前嘅你好鬼cool囉!又唔笑又唔出聲!哈!但係好古怪,講座時又唔同哂!

匿名 說...

wah.. your dinner presentation is very beautiful n attractive, i will try if i cook next time..:P