跳至主要內容

訂咗飛未!!

通常老人家就係有D長氣,我想講唔知大家訂咗飛未呢?唔好誤會,我唔係講Eason個Concert,我想講我個講座啫!

想聽,但係未得閒聽嘅朋友,唔駛去城市售票網訂飛架! 你只需要打2891 0920,用你個大名同個電話登記,就可以換倒一大張由黃詩詩主講嘅《肚腩...非減不可》,睇吓下面嘅日子得唔得閒啦!費用係...全免架!

日期及: 15/3(一) 及 23/3(二)
時間:晚上7:15-8:45
地點:15/3銅鑼灣禮頓道33-35號第一商業大廈601室
23/3佐敦柯士甸道童軍中心1030室
留座電話:2891 0920 (金小姐)

你唔得閒唔緊要,你只要通知你身邊最少5個你最愛錫最關心嘅朋友,話佢知有哩個講座,你今年就會減肥成功,如果唔係...哈哈哈...自己諗吓會點啦!!!

留言

匿名說…
訂咗喇! 兩場都訂咗呀! 仲要求座頭一行握手位添!(可唔可以同妳影相 & 幫我簽名呀?)
匿名說…
請問你地會唔會去沙田搞講座丫?
匿名說…
轉寄咗俾身邊的朋友喇!咁聽話,我應該會瘦!
匿名說…
Haha!I saw you in 大戶屋,you are so cool and i am so happy to see you today!
匿名說…
Attended the talk last night (15/3).
Just a note of appreciation. You looked exhausted from work I guess; still you managed to present the topic in such a lively way. Thanks.

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

有得食仲要有得瘦~

很久很久也沒有放上來,沒有看免費報紙的朋友還問我是不是有徒弟仔就不再講講座~ 了解我嘅朋友一定知我唔會咁做,因為這是唯一一個可以跟你們有得直接交流的方法,而且無講座果一個禮拜我會周身唔舒服的,放心啦~我愛我的工作,無論怎樣,我也會講落去,除非沒有人再想聽啦! 上面那個廣告中頭兩個講座已滿了,尚有以下兩個,是免費的,想聽就報名啦~ 留座電話係2891 0920 21/6 (二)九龍佐敦柯士甸道童軍中心1114室 27/6 (一) 銅鑼灣中央圖書館地下1號活動室 再一次多謝大家支持~

選擇障礙

今次,我終於明白咩叫選擇障礙... 一個星期前,我同大家玩咗個心理測驗,問大家生日嘅時候會揀咩餅?身邊的朋友都異口同聲話,原來都唔知點揀好。我都好明白,有時無得揀又唔高興,但當有得揀就仲煩,但當選擇多到成100種嘅時候,更加唔知點算?! 有睇我個Blog嘅朋友應該知道,一個月前,我係日本睇中咗一部單鏡反光機,但最後都無買,番到香港,d戰友紛紛問我,吓?!無買呀!做咩唔買呀!個相機咁cute!!唉!你哋真係好鬼衰,明明好辛苦先放棄咗,而家又攪到我囉囉孿! 好彩!我有個好好好好人嘅戰友係日本啫,仲咁啱有個friend月尾會去日本,哩d係咪叫緣份呢!但第二個問題又難到我,成100種配搭,我而家有好嚴重嘅選擇障礙,點攪呢! 個網頁好好玩,幫你襯色慢慢揀,幫下手啦! www.camera-pentax.jp/k-x/#/simulator/120101