營養師黃凱詩的生活點滴

2010年3月13日星期六

轉行?!

今日,只係可以用一個字形容...趕!
一早如常返咗銅鑼灣office,跟住見過幾個戰友就飛咗去電台,接住食咗一個快飯,又閃返去銅鑼灣office,但係仲未夠,因為最終仲返咗尖沙咀office,又見咗兩個戰友,一日就是如此!!簡單d尼講,我無處不在,大家小心,我隨時會出現架!
不過今日唔係想同大家講趕...同唔趕嘅問題,我係想講這幾天發生嘅奇怪的事!
話說這幾天收到好多朋友嘅查詢,包括係email啦,又或者戰友親自問我等等啦! 其中一位戰友問:我諗咗好耐都唔知點,成日心思思?!咁我當然了解下係咪減磅過程有咩困難啦! 點知佢竟然問:我諗咗好鬼耐,唔知買唔買你果把刀?! 有幾利? 因為佢個樣好似玩具!!幾利?點講俾你知呀?於是我俾個傷口佢睇,佢睇完之後就話:都真係幾利喎!你話係咪激死! 收到嘅email,subject都係查詢,內文都係講把刀,唔知仲以為我轉咗行賣刀?!
好啦!既然大家都想知,就講多d啦! 把陶瓷刀我係日本嘅東急手買的,約500多元港幣,其實上次去台灣間台隆手創館都有,價錢差不多,但當然日本的就更多選擇啦,而上星期去沙田一田百貨,見佢做promo,好似600多元有嘢送,老實講,真係幾貴,但睇下你點用啦! 好似我咁,成日要同食物影相,食物個樣好緊要,所以咪要切靚d囉!扮下嘢都要啦! 但話時話,千奇唔好以為用咗尼把刀切嘅食物可以保留多d營養呀!真係有人咁問過我架!不過講真,所有用過把刀嘅戰友都同我講,把刀俾你果種暢快感覺,係形容唔倒架!


俾條link你自己translate啦! google有網頁translation function架!

http://www.kyocera.co.jp/prdct/fc_consumer/kitchen/knife.html

7 則留言:

匿名 說...

辛苦妳喎! 原來唔只我親口問妳個傷勢 & 把刀, 大家都關心同一個問題喎.

講樣嘢比妳聽丫, 今晚中學同學聚會, 舊同學話我瘦咗, 我話揾營養師幫我的. 我同學已經問係唔係黃凱詩? 佢仲話買過妳本著作睇添. 證明妳幾出名:)

匿名 說...

p.s ; 係你真係隨時係我哋身邊出現.

匿名 說...

麻煩唒你咁詳細嘅講解呀!推銷員!by the way,你越來越棒!講真架!

匿名 說...

真係要多謝你呀...推銷員!! 成日都有D咁好嘅推介!
把刀真係好鬼吸引...搞到我都心思思添!!
剛剛上網check過,好似都平好多,大概3000Yen, 如果有興趣買,而呢排又會返郷下嘅話,可能可以試下響網上訂,件貨可以send去酒店, 十分方便!

http://item.rakuten.co.jp/nishimurakanamono/10001531/

匿名 說...

吹脹...............

匿名 說...

俾佢激死啫!

匿名 說...

You are so naughty!but keep it up!