營養師黃凱詩的生活點滴

2010年3月25日星期四

仲唔快啲登記


幾個鐘頭前,同大家講完啲咁嚴肅嘅話題,都係轉個輕鬆少少嘅題目先。

講之前,要聽一個故仔,話說件事發生喺10多年前,當年我正是一名大學生,由於每日的工作就是上堂、上LAB、食TEA同瞓覺,幾年游手好閒的生活令我的體重由105磅激增至130磅,點知某一日,教授話下星期個LAB要自己親身做個BIA LAB,即係要用一部非常精密的脂肪機度吓大家嘅脂肪,果時我即刻諗:『死啦!我平日著衫識得遮遮掩掩,如今要度脂肪,豈不是成班同學都知我咁肥!』咁點算呢?得一個禮拜,要減肥都減唔切啦! `

跟住,教授再提醒同學仔,叫我哋下次上LAB 之前,記住唔好飲太多水,因為會影響度出來的結果,佢話會比真實嘅低,我靈機一觸,於是,當日上LAB前,我鯨吞1枝500ml水先上LAB,量度出來...27%,剛好是指標中的上限,都叫正常啦!自此之後,我決心減肥,而家,當然好成功啦!

知唔知我講咗咁耐故仔想同大家講咩呢?其實想話俾大家知,脂肪機會好容易受身體的水份改變影響測試結果,例如一早起身啦、女仕行經前或進行中、剛飲完大杯水、做完運動都影響準確度,仲有記住知道自己脂肪比例好重要架,一般人只以為知道體重就OK,所以一定要check 脂肪,點樣知,好簡單啫,報我個講座~~講座前我隻左右手會幫大家度,另外仲有一個辦法!

你只要登入Facebook,即是個blog右手面個link,成為我嘅fans,當我個fans page人數突破500人時,我會私人送出一大部脂肪機(只有fans page 嘅朋友先參加得幸福大抽獎,所以要成為fans囉),鼓勵吓大家要了解吓自己的脂肪比例,亦答謝大家對我的支持啦!

5 則留言:

匿名 說...

hehe, 妳講過脂肪機嘅"秘密"我聽, 所以見妳嗰朝早, 我必定鯨飲4杯水. :)

匿名 說...

如果想自己買,有邊個牌子脂肪機你會推介?

匿名 說...

請問個幸褔抽獎係點抽架?

匿名 說...

黃詩詩你係得架!!!!懂得運用marketing手法

Cynthia (黃凱詩) 說...

講個秘密俾你知吖!有人搵我做Marketing,不過我同佢講,我只係幼稚園程度,所以唔駛客氣!