登陸咗尖咀喇...Wow!!

兩個禮拜前，同朋友去旺角樂園食牛丸嘅時候，我一路食一路自言自語咁話:『如果尖沙咁有得食就好喇!咁就唔駛冒住中鏹水彈嘅危險去食好味牛丸啦!』

點知事隔兩週，竟然見倒佢係我眼前出現，你睇下...尖沙咀厚福街也，最重要係佢個下午茶餐好鬼抵囉! 20蚊又平又好食，邊度搵先！

戰友們，唔駛我講應該知點揀啦!

食完牛丸米線，返到公司，無聊同個office影咗張Snapshot，俾我發現咗一樣嘢!原來我個人都算好專一，我鍾意嘅嘢，原來都係...熊...貓...仲有熊貓，不如考下大家眼力，相中有幾多隻熊...貓...同熊貓呢？

講開又講，為咗D熊...這個多禮拜，經常在這個店出沒，這張相攝於上星期五，凌晨1點嘅時候，瞓唔著行咗兩個圈，買咗本雜誌抽咗個25分，各位，如果你去這家便利店買報紙雜誌，記住要幸運大抽獎，抽完獎記住我正回收那個熊熊貼紙呀!