跳至主要內容

有大茶飯...記住叫我

我知大家想見倒我D食譜同餐單,多過想見倒我,不過...有好嘢,當然要同大家分享啦!

好明顯,見我個樣咁興奮,都知我手上嘅當然係返鄉下張機票啦! 靜靜雞講俾大家知,我噚日用港幣625大元換佢返尼架! 係咪好令人興奮呢?

其實好簡單啫! 去大新銀行啦! 相信好多朋友都知,現時有好多銀行都提供積分換飛行里數的計劃,你知啦!以前D分儲下儲下,成日換埋哂D唔等駛嘅嘢,所以咪專一D,簽死一張有里數換嘅卡囉! $8 就有1里數,low season 17000里數就有1張來回東京嘅機票,即是每$136,000就有1張,講真,如果要1年內自己簽,1個月要用差唔多$11,500,點用呀?但係你只要朋友仔比較多,佢哋又有酒席呀、裝修、買電腦影音等等呀...總之有大茶飯就簽,好快就夢境成真啦! 不過d分可以儲兩年架,仲有第一年免費送你5000里數,咁就好快免費飛去日本啦! ($625是機場稅等等)自己去了解下啦! 其實我已介紹咗俾非常非常多個戰友喇! (似唔似大新銀行廣告呀~)

仲有這張相,很久前已經想放上來,但忘記了,太可愛喇!唔係我,係大小魔怪等食個樣~

喵!主人快d啦! 我哋肚餓呀!

為咗方便大家,俾條Link大家自己睇喇!
www.anacardhongkong.com

留言

匿名說…
嚟到我地頭都唔CALL 我落嚟分享吓妳嘅開心呀my friend?
匿名說…
返郷下真開心!!!
匿名說…
佢哋個背影都好CUTE!
匿名說…
麻煩哂!不過其實除咗貓貓之外,你都好可愛吖!
Starry說…
幾時出發呀? 幫我買少少野得唔得呀?
匿名說…
你真是要好好休息,近日看到你真的很疲累,我們也心痛!--May
匿名說…
飛行里數我都想出返張咭呀!
但見到CITI BANK, HSBC個D都有..
大新仲有咩好呀....^^

VANI
匿名說…
HSBC 好似$15=1里
匿名說…
好抵喎!搞到我有d想申請張卡!多謝分享!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。