有線電視時事寬頻之<營養標籤看不懂>

有興趣的朋友，登入這裡便可以了!

http://cablenews.i-cable.com/webapps/program/broadband.php

日後，我會將節目放上來這裡或Facebook! 因為陸續有來...

慢慢睇啦! 個路人伯伯好攪笑，1+7是什麼...咪8囉! 既然大家都唔係好識用個營養標籤，我就係我個blog度，每星期教大家少少啦! 一齊用標籤學營養，你哋話好唔好呢!

不過我都想藉這個機會，多謝我這位戰友一號Dora小姐嘅幫忙，令個節目可以順利拍攝啦!

留言

匿名說…

你都真係幾上鏡啫，拍多d啦!唔駛怕個鏡頭，仲有，唔多習慣你個樣咁正經啫~

5/09/2010 12:55:00 上午

Dora e說…

都話唔駛客氣囉, 仲要開哂人哋個名, 我會面紅架 *.*"

5/09/2010 01:19:00 上午

匿名說…

呵呵!你正經個樣好好笑...
不過你間房隻熊仲攪笑!

5/09/2010 01:23:00 上午

匿名說…

The narrator keeps calling you Sylvia. It sounds so weird

5/09/2010 01:41:00 上午

匿名說…

i saw these news in mtr today! and i laugh when i saw you but don't know whay?

5/09/2010 01:48:00 上午

匿名說…

You look so professional at the program！

5/09/2010 02:08:00 上午

匿名說…

睇完喇！點解連你個名都唔識讀咁好笑架！仲有呀！你上鏡都幾靚女吖~~

5/09/2010 11:03:00 上午

匿名說…

your information is so valuable. thanks. steph

5/09/2010 11:52:00 上午

匿名說…

你越來越有型呀！努力啦！你永遠是我的星級營養師！

5/09/2010 10:22:00 下午

此網誌的熱門文章

避風塘

茫茫人海，兩個人能夠相遇、相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。

黃詩詩教你減肥稯

好喇！一切準備就緒，可以開始報名。今日個報導都有講啦！就算隻稯係好似好鬼健康，又有豆又有什麼高纖米，都未必健康，因為會有肥豬肉同咸蛋架！詳情去今日蘋果日報睇啦！http://hk.apple.nextmedia.com/news/art/20120604/16394929 咁都係好想食稯又點算呢！上星期都預告咗！我會親自聯同廚神Thomas先生，在今個週六同大家一齊做。日期：6月9日（星期六） A班：2：15﹣3：15PM B班：3：30﹣4：30PM 費用：＄90 （每人一份食材）上課地點：銅鑼灣謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法：即日致電29920148留位，然後1個工作天內到尚營坊以現金交費便可。當然，你亦可以入數去恆生264﹣298316﹣883，再傳真入數紙來29920146，但當然要寫上你的大名啦！快D報名喇！到時見！

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！

營養師手記

搜尋此網誌