希望愈少，驚喜愈大

今日，攪攪震做了很多東西，你哋睇下，有無諗起新加玻無得食嘅星洲炒米呢?

睇真D，佢係咖喱海鮮炒飯...吖!唔係，好似最終只係用咗青口同青瓜，這個雙青炒飯唔錯，又俾多個Idea大家，炒飯時，想佢香D，可以落少少咖喱粉同紅椒粉，熱量好低咋~不過俾個溫馨提示大家先，記住記住，立即洗鑊，如果唔係，你以後炒嘅嘢，都好似食緊咖喱咁啫!

另外D海鮮材料，做了個炒意粉...

都要有D甜品架! 就係...焗咗大家，超甜番薯片。

不過我覺得今日的驚喜，應該係佢，芋絲豚肉卷，起初，我話要做這個東西時，同事們就議論紛紛: 邊會好食架?係...佢個外表係唔討好，但好有內涵架，芋絲其實係一樣沒有味道的東西，但加入薄片豬肉，豬肉的肉汁在煎煮過程會被芋絲Soak...當然豬肉要調味，而在煎煮過程中，我加了香草及美極，所以出奇的好吃，又或者係因為外表影響，希望愈少，驚喜愈大，我總共煎咗7件，現在被為食鬼偷食，只剩下3件，咁明天TVB個攝影師影相時，點影呢?真係要考考佢。