香蕉也有弧度

上星期六，行超市時，見倒佢(香蕉盒)，忍唔住同個朋友講:都唔知話D日本人無聊、定係話佢哋太有頭腦，竟然設計一個盒，專用來裝香蕉。朋友就話，邊會有人買架?我就話，買嚟玩吓唔係問題，但問題係，隻隻蕉弧度不同，唔一定擠倒。

你哋睇吓喇~

點知事隔4日，剛剛見完一位剛到澳洲探親的戰友，佢就拿出一隻蕉盒送俾我，我第一個反應係有D愕然，點解咁啱架，跟住我心諗:唔通佢覺得我個人咁無聊會鍾意這些東西?!邊知佢俾我嘅時候就話：一見倒隻蕉就諗起你，咁無聊嘅嘢應該啱你，死啦!原來我喺D戰友心目中真係咁無聊...

自從有咗隻空心膠蕉之後，3分鍾熱度嘅我足足帶咗3日香蕉返公司，不過大家記住，一日唔可以食咁多香蕉，因為一隻已經是兩份水果，就是一天的Quota~

留言

siu lai說…

我都有一個，喺同事從韓國帶返嚟嘅手信。只要配arm弧度，隻蕉可獲得全面保護，包冇損傷

8/28/2010 10:48:00 上午

匿名說…

這段日子，香港人真需要看些輕鬆的文章，畢竟那件事，確實令人感到傷痛，但日子也要過，香港人就是要堅強面對呢?你說得對，悲有時、喜有時呢!
joey

8/28/2010 01:23:00 下午

藍玥~伶說…

呢隻蕉...都幾好笑阿^~^雖然好似好無聊...但佢除左可以保護隻蕉之外仲可以叫你笑一笑...咁都係值既^^
ling

8/28/2010 03:38:00 下午

此網誌的熱門文章

避風塘

茫茫人海，兩個人能夠相遇、相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。

很久很久也沒有放上來，沒有看免費報紙的朋友還問我是不是有徒弟仔就不再講講座~ 了解我嘅朋友一定知我唔會咁做，因為這是唯一一個可以跟你們有得直接交流的方法，而且無講座果一個禮拜我會周身唔舒服的，放心啦~我愛我的工作，無論怎樣，我也會講落去，除非沒有人再想聽啦! 上面那個廣告中頭兩個講座已滿了，尚有以下兩個，是免費的，想聽就報名啦~ 留座電話係2891 0920 21/6 (二)九龍佐敦柯士甸道童軍中心1114室 27/6 (一) 銅鑼灣中央圖書館地下1號活動室再一次多謝大家支持~

青海加油

生命中，總有挫折，遇過困難，每一天總被無情的壓力偷襲，令我們洩氣；但我們所經歷的，相比遠方的災民，只是微不足道。家園失去了，親人被無情的天災帶走，他們的傷痛，不是我們能夠體會。多年前看過一部著作《唐山大地震》，每一個故事，我仍牢牢記著，『活著的比死去的更難受!』災後要重建的，豈非家園這麼簡單，還有那顆創傷的心。在苦痛的時間，團結更是力量，雖然我不知青海玉樹在中國版圖的那裡，只知道他們正等待大家伸出緩手。昨天，在Facebook已作出呼籲，我將會於明天開始直至下星期二(27/4)義賣我較早前的三部著作，是次義賣不設任何上限，總之所有在這5天出售的書籍均會全數透過『香港紅十字會』捐助青海地震災民。以下是這三部著作的售價，當然捐款是不設上限的。《以營補營》$50 《吃出形態》$60 《瘦得有營》$60 你可以到我們的兩間分店購買，開放時間為星期一至五12-8PM；週六11-4PM 尖沙咀分店：九龍尖沙咀堪富利士道 8 號格蘭中心 1005-6 室銅鑼灣分店：銅鑼灣謝斐道482號信諾環球保險中心1201室此外，由於這5天期間將會舉行3場講座，分別是： 24/4(六)2:45-4:30 佐敦柯士甸道童軍中心1030室 26/4(一)7:15-8:45 荃灣大會堂展覽館 27/4(二)7:15-8:45 銅鑼灣中央圖書館地下1號活動室我們亦會在會場進行義賣書籍活動，同時我們亦會將以上3場講座中，所收取的首次營養師諮詢費用全數捐出。天災無情，人間有愛，是時候發揮愛的力量。

營養師手記

搜尋此網誌