香蕉也有弧度

上星期六，行超市時，見倒佢(香蕉盒)，忍唔住同個朋友講:都唔知話D日本人無聊、定係話佢哋太有頭腦，竟然設計一個盒，專用來裝香蕉。朋友就話，邊會有人買架?我就話，買嚟玩吓唔係問題，但問題係，隻隻蕉弧度不同，唔一定擠倒。

你哋睇吓喇~

點知事隔4日，剛剛見完一位剛到澳洲探親的戰友，佢就拿出一隻蕉盒送俾我，我第一個反應係有D愕然，點解咁啱架，跟住我心諗:唔通佢覺得我個人咁無聊會鍾意這些東西?!邊知佢俾我嘅時候就話：一見倒隻蕉就諗起你，咁無聊嘅嘢應該啱你，死啦!原來我喺D戰友心目中真係咁無聊...

自從有咗隻空心膠蕉之後，3分鍾熱度嘅我足足帶咗3日香蕉返公司，不過大家記住，一日唔可以食咁多香蕉，因為一隻已經是兩份水果，就是一天的Quota~