相信大家一定有睇新聞，學識一個新詞彙，叫丙烯酰胺。可能大家一睇倒報紙，都會覺得好驚驚，無錯，由細陪到我哋大的珍珍薯片，竟然有這般高含量的丙烯酰胺，的確令大家嚇了一跳，但問題係，丙烯酰胺其實防不勝防!
所有含高碳水化合物的食物，即是無論即食麵、薯片、穀類早餐、餅乾、油條等等，經過加熱程序，而溫度達120度以上，這種物質都會自然出現，煮得愈熱，時間愈長就愈多，即是說就算你自家製焗薯都會有這種物質。老實說，這丙烯酰胺不是什麼新鮮事，消委會早在好似2004年都出過相似報告，都勸大家，脆片小食，少吃多滋味啦!
但根據報告指出，就算最高含量的珍珍薯片，日食26包先會高於老鼠會致癌的份量，但其實我諗無人會日食26包薯片啩! 以這包140克的珍珍薯片為例，1包成764卡，如果日食26包，即是已攝取了19864卡，我諗如果真係咁樣食，未生癌都因為肥而誘發其他慢性病患啦!
所以，如其要完全避開丙烯酰胺，倒不如食多D有鮮艷顏色的蔬菜生果，攝取多D抗氧化營養素，等個身體可以對抗D致癌物啦! 但當然進食所有食物，緊記均衡才是上策啦!
死火，睇住本選擇D薯片咁耐，突然想食包丙烯酰胺添^^好!落街買包BAKED LAYS先! 同同事一齊食，食少少無事嘅!最多一陣食多個奇異果囉!
留言