減肥炒飯續格睇

見大家都好想自家做個減肥炒飯，就一步步教大家啦！

今日的材料都是聖誕派對的遺物，有一件牛排，所以切咗牛肉粒粒，記住做炒飯的，材料要均勻，所以牛肉粒粒大小都差不多的，落牛肉粒前，當然要醃好啦，但我只用了1/2茶匙的生抽，跟住燒紅個鑊，記住熱力是非常重要的，因為要有『沙沙聲』先似炒飯嘛，跟住就落油，今次我用咗1/2茶匙，你可以用噴噴油離鑊噴3下吓，輪到牛肉粒粒，炒到佢半生熟，見倒個樣啦! 有D仲紅架，

然後是今次個飯第二種材料，蟹柳，都係切好粒粒啦，同牛肉一齊再炒...

主角出場喇，個飯唔係冷飯，係即時煮的，記住唔好咁濕，所以煮飯時用少D水，煮完後等佢坐一陣，凍少少先，仲有記住跟據自己餐單份量落鑊，千奇唔好估估吓，炒呀炒，禮成...

這是上色部分，用黃色，即是雞蛋啦，我習慣將蛋漿一分為二，一半用來上色，如下圖:中間開個洞，將四面的白色飯混入，

另一半用來做蛋碎，咁個樣咪靚D囉，叫D飯行埋一邊，好似炒滑蛋咁，見唔見倒呀~~

最後一個步驟，就係炒埋一碟，好似下面咁，

上碟喇，襯多個菜，一餐減肥餐就完成了，得咗，今晚就試吓啦！