營養師黃凱詩的生活點滴

2011年1月13日星期四

單車機上

今日,輪到魔鬼教練黃詩詩同大家講吓運動。

未講之前,望吓上面果位朋友先,好明顯,佢做緊一部唔識行的室內單車機,係就係好似幾勤力,但係上面幅圖,有3個錯處,唔知大家搵唔搵倒呢?慢慢研究吓,講住其他嘢先~

有戰友成日話,個單車機無鬼用,但我可以話俾大家知,我親眼目睹成千人點樣用單車作為減磅運動而成功瘦身,特別是體重較高的朋友,點解?因為單車機是一個相對地不太劇烈的運動,對於體重較高嘅減磅初學者是較為容易適應的呢!最重要是減低膝蓋的負荷,因為佢畢竟是坐著做的運動。講個秘密俾大家知,佢對修大脾及Pat pat的效果更好呢!但大家一定要注意個姿勢有沒有錯!一陣再講。

好喇! 好喇! 開估先,找倒上圖的錯處嗎?
第一‧運動時且穿運動服嘛!佢一身的裝扮好明顯唔係正經做運動啦! 著住咁多衫有咩問題?汗水不能有效蒸發就會中暑,有好多戰友在家運動又不穿波鞋,那麼雙腳便很容易受傷了。

第二‧座椅的高度是十分重要的,好似佢咁明明無咁高就唔好校到個sit位咁高,吊腳的話就好易用錯膝蓋的力量,便會傷膝了,所以你可留意踏單車時,當腿伸到最盡時,應該是微曲的,不可完全伸直。

第三‧上面位朋友明顯沒有專心運動,運動定影相呢?專心對運動的成效是十分重要的,有D朋友成日話踏單車沒用,點解呢?成日HEA住做緊係無用啦! 運動的時候,你必須間中提醒自己正用那組肌肉進行運動,好像單車般,踏出的力量應由大腿發動的,你可以間中將手放於大腿,感受一下肌肉在收縮的,就可以確保運動成效,如果覺得悶可以聽收音機或節奏較快的歌曲,不建議看雜誌或電視,因為你掛住睇根本沒可能踏得有效率的。

記住喇! 瘦身之餘沒運動,成功後就只會回升的。單車機除了是一種減肥的帶氧運動,還是鍛鍊大腿的運動呢! 大腿鍛鍊了以後,便可減低膝蓋負荷,減低膝蓋痛楚。

7 則留言:

匿名 說...

係bor,之前係sasa有一隻即食面(肌之子日本低卡即食麵)話落左味粉都只係有25kcal旳,唔知係咪真的. (不過味道真係好似即食面)

匿名 說...

不如介紹埋其他減肥運動吖!

匿名 說...

多謝你的攪笑分享,你實在太可愛了,今天來了你的Talk Show,很高興認識你,你真的很酷呢!STEVIA

匿名 說...

你好型又好瘦呀!點先可以變成你咁呢?我想搵你幫吓手,我成156磅唔知減唔減倒呢?

匿名 說...

我覺得比起跑步機,單車機真係輕鬆好多,
所以感覺上減肥效用都差好遠(時間上)
但又易堅持好多

bb6886 說...

同意鍛鍊大腿之後膝頭無咁易傷呀!!
我種係一個學生
前2年升左中學, 學校係山上變左要行斜坡喎
行左一年到雙膝偶爾會刺痛
咁就停左一排無行
上年就想減肥, 就跑步啦
跑左一個幾月(無毅力orz..)
而家行返斜坡
不單止體力好左超級之多
而且膝頭無再痛過*0*~
雖然最後都係無減到任何肥肉-w-~

匿名 說...

請問我膝頭哥軟骨退化,可不可以踏單車,每天踏30分鐘適不適宜?