跳至主要內容

無糖豆漿


放張無糖豆漿個樣上尼先!這幾個星期,大家都唔知係咪約好咁,好多戰友都同我講好意飲豆漿,但大部份唔係超甜就係低糖,想搵無糖都好困難,好啦!今日唧少少時間同大家介紹吓!

市面上最方便購買的豆漿當然係維他純豆漿啦!但個人認為佢無咩豆味囉!但你用佢做麥皮個湯底都可以,因為麥皮自己有好香麥味,都可以接受,但淨飲就差D囉!

如果要淨飲我會揀兩種牌子的沖劑,第一種係大排檔牌子(有無糖的),不過我買咗本來想影相俾大家睇,但轉頭就俾個戰友搵咗家陣渣都無得淨,所以我只有另一牌子的相,就是上面那個了!其實佢都有黑豆漿架,都唔錯!

值得一提,有朋友問我點解去星星Coffee Shop飲SoyMilk Latte無落糖都好似甜咁,其實主要原因係,一般coffee shop用的都是有糖的豆漿囉!所以小心中招,仲有仲有,鈣寶寶都好甜架,減肥就唔好用佢做早餐呀!講住咁多先,我要去做節目喇!

留言

匿名說…
咁即係平時飲starbuck 既greentea latter w/ skimmed milk 都係好肥ga la wo ? am i right ?
維他命C說…
好介紹呀,詩詩...我平時都有飲開豆漿~
mabel說…
死啦死啦...我仲以為鈣寶寶低卡..所以仲晚晚用佢黎沖麥皮食做晚餐tim....點算好呀?我仲買咗好多tim:(

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。