營養師黃凱詩的生活點滴

2011年3月8日星期二

撳機之解說(Part 2)

好喇!我哋再進入第二部份的解說~

第三條解說~
第三條就是我以為好簡單但又係最多人錯的,因為我以為我在不同媒體說過這麼多次大家應該會識答,點知都係墮入咗個陷井,答咗紅酒。

若果要知邊種酒熱量高D,最主要要知道酒精含量有多少,你只要記住酒精含量愈高,熱量愈高,所將若果飲同等份量,醇度較低的啤酒是最低卡的,而伏特加則是最高熱量的!

但係點解D人成日都話什麼啤酒肚呢?原因好簡單,因為飲啤酒可以飲好多,而飲紅酒一般只飲少許,所以錯覺上咪以為飲紅酒無咁肥囉!但係我可以話俾大家知如果你鍾意一枝一枝飲,一樣會變紅酒肥囉!

第四條解說~
其實又係一條無得解但又好易答嘅問題,因為答案清楚寫在我的書《吃出形態》中,唉!有時間就要溫吓書,這條問題只要查書先知答案𠺢,就算你問我我都唔會即刻答倒你啦!你問我邊種含單元不飽和脂肪最多我就答倒你。不過咁啦!都提多次,咩嘢油的熱量是一樣的,唔好諗住橄欖油有多D單元不飽和脂肪就用多D呀!

第五條解說~
又是無得解的,唯有記啦!營養師成日都會俾人問,食多咗嘢幾時先變做脂肪,我哋成日都會答,如果你在一段時間內額外攝取3500卡,就會增加1磅,你千奇唔好諗3500卡咁多,無咁易肥,我計條數俾大家睇你就會明。大家都好鍾意食雞蛋仔吖,一底有幾多卡?390大卡,將3500除以390,答案係9,即是說,若你每日在正餐外,都額外比需要多食1底雞蛋仔的話,9日就會增加1磅,即是一個月增3.3磅,磅數是積少成多的,那麼一年就肥差不多40磅,問你驚未,最大問題是,你哋唔係淨食雞蛋仔囉!

好啦!大家嘅營養知識又踏進一大步喇!我見大家都咁有興趣玩,我就決定短期內再玩一次啦!你哋話好唔好呢????

4 則留言:

匿名 說...

GI index of whole-wheat bread is usually lower than 70. European type is often around 55 only. GI of sponge cake should be around 60 only because less oil used than butter cake. So, I think they are a tie, depending on individual recipe.

Cynthia (黃凱詩) 說...

of course! Really depends on recipe~ As some bakery may use more butter when preparing Whole wheat bread!

匿名 說...

營養師...請問鳥冬和麥皮的卡路里是多少呢?
有人說麥皮其實是高卡路里的...到底是真是假?

Candy 說...

Good! Good! 今次我一定會留响屋企參加呢個又好玩又學到嘢又有禮物的遊戲 ^o^