零食

星期二個專欄，唔知大家有無睇呢？畢竟因假期關係，改於星期二刊，怕大家拿不到am730，你知啦...am 太好睇～

未睇的話，click下面條Link重溫啦！

http://www.am730.com.hk/article.php?article=54644

其實寫這份稿，背後是有莫大的原因，好多從前太過愛吃零食的朋友，一開始減肥都會同我講，佢可以一D零食都唔食，仲話連我安排的下午茶都話可以少食，講真，如果你只係需要減約20磅，咁短時間你緊係可以堅持啦！但係若果要減50磅的話，都唔可以完全戒哂，口痕都要止痕啦！所以，若不太影響進度的話，你想食，就同營養師講，計好數咪OK囉！但當然，唔係狂食啦！

所以，我哋先決定攪個200卡甜品班，幫大家止痕，為咗好食，那堆甜品，一樣有全脂的東西，一樣有真糖，只是份量是減少了的，又用了代替品，仲要有專業甜品大師設計食譜，咁先好食嘛！

雖然我唔愛甜品，但來到巴黎，沒理由不試這個Macarons，佢樣子太美了，而且試了一口，這家的不算太甜，比香港那家好得多，所以買了幾個，離開前也買給黃媽媽做Mother's Day 禮物先！

星期日媽媽節，唔好忘記呀！