營養師黃凱詩的生活點滴

2011年5月15日星期日

十樓養嘅朱古力牛牛

原來大家真係咁鍾意飲朱古力奶架~

好啦!見天氣咁熱就介紹大家這個超低脂朱古力奶特飲啦!材料十分簡單,首先有主要材料,可可粉,你一定會話朱古力唔係好肥咩!係普通一粒粒或者市面出售的朱古力奶當然肥啦!但係可可粉是可可豆超低脂的部分,所以有可可多酚之餘,又有好香的朱古力味,而做朱古力時,就要加入可可油脂,先可以令朱古力咁滑,所以係唔同架!好似圖中這牌子的,1茶匙先有15.5kcal,脂肪只有0.9克,而每次做一杯朱古力奶又只需用1茶匙,所以好適合戰友飲用。要買的話,不需要這個牌子的,是無添加的可可粉就可以了!




好喇!將1茶匙可可粉加入MUG之後,就可以加熱脫脂奶或脫脂奶粉,提提大家最好是用熱水沖,圖中的就是脫脂奶粉了!




跟住朱古力奶當然是甜的,就加我最鍾意用的Splenda代糖啦!加1包就OK喇!你哋睇下,我去歐州找回成個家族呀!

如果想變凍飲,就加半杯熱奶再加Rock啦!


註:10樓養嘅牛牛係因為這杯特飲是在我10樓研製的~

18 則留言:

匿名 說...

我想問你果隻可可少在那裡買的??

維他命C 說...

詩詩,咁Q嘛煩,不如落街,買盒維維朱古力奶仲好過啦...?

匿名 說...

維記朱古力奶好肥架!千奇唔好飲呀!

Cynthia (黃凱詩) 說...

大部份超市都有,有時放於做蛋糕材料附近!

匿名 說...

襟錢遊戲的答案幾時揭曉呢

Cynthia (黃凱詩) 說...

襟錢遊戲的答案已在遊戲當日揭曉了,在FACEBOOK~但我遲D會解說!

匿名 說...

多謝你經常無私地將你所知的與大家分享!Lok

vicky 說...

經常聽到人話食代糖會傷肝, 其實係唔係?

匿名 說...

維他命C,做甚麼事都是麻煩的。做人也很煩的!人家和我們分享營養食物,請你不要作出無畏的批評。再者,這個手記是給有心人看和分享的,明白啦!
真是有點看不過眼。。。。。。

匿名 說...

但要加幾多脫脂奶呢?

匿名 說...

有禮貌是很重要的,我都有點看不順眼!!!

Starry 說...

三花高鈣脫脂奶粉要5匙(內附)先係一杯250ml的奶建議份量.
話時話, 隻奶粉近一年不斷加價, >_<, 唔知有冇團購平d呢?

匿名 說...

有時有些人係無得救的,用心想幫佢教佢,佢偏偏要行錯路...........好可惜!

匿名 說...

今天飲咗啦,不過我用咗維脫脂高鈣同黑糖

匿名 說...

今晚用朱古力粉整嘅蛋糕都好好味

匿名 說...

我都有上甜品班,估唔到真係咁好食。開始有些擔心,怕現在學會了多款甜品做法,又不太難做,會時常整又忍不到口而吃多了。
Betty

Cynthia (黃凱詩) 說...

大家經常都擔心D代糖,其實只要用量唔多,是沒有問題的,咩叫多?你一日應該用唔到10幾包啩?就算水,一日飲20L都會死啦!只要適量,不用擔心~

你哋喜歡甜品班就好了,因為同事們用了很多時間做的,試了無數次先有這個成果!

匿名 說...

thanks for share........