營養師黃凱詩的生活點滴

2011年6月21日星期二

阿糠哥


好似係上星期,同大家介紹過在做瘦肉餅時加入燕麥作為軟化劑,可以令瘦肉增加腍身感覺,但其實除咗燕麥外,仲有一種更加好的選擇,佢就係今日的主角,阿糠哥~

都介紹下佢啦!今天介紹的是來自燕麥的糠哥,英文名係Oat Bran,點解要講清楚呢!因為穀物類的外穀都會有麥糠包住,但係佢哋嘅成份是不同的,例如:小麥糠wheat bran主要含非水溶性纖維,而燕麥糠呢?主要是水溶性纖維,而今次就要用水溶性纖維的特異功能啦!


上兩篇BLOG,都提過點解佢可以令肉餅變得腍身,今日就唔再多講了,但點解用燕麥糠仲好過用燕麥呢?主要原因係,以同等份量計算,燕麥糠的水溶性纖維比燕麥多成倍架,俾個數字大家睇,相信有D朋友都知道,FDA建議每日進食3g燕麥Beta-Glucan水溶性纖維,當然再配合低脂低膽固膽飲食,可降低膽固醇,咁要食到3g,就等於9湯匙未熟的燕麥或4.5湯匙燕麥糠,9湯匙?點食呀~所以用燕麥糠會方便D


在料理的角度,如果做6吋大小的肉餅,就落23湯匙燕麥糠,mIX With 冬菇同瘦肉,mix and match 之後再用力不停刴再翻,最少10次,順便練下老鼠仔,一舉兩得,點解要翻這麼多次,因為想鎖住多D空氣囉!


不過都提一提啦!燕麥糠的脂肪一定比燕麥高D,這是正常的,不是添加的米糠油,少少啫,不用太擔心!


題外話,現時多了燕麥產品的選擇,但選購時,要小心看看標Food Label 呀!

沒有留言: