營養師黃凱詩的生活點滴

2011年11月26日星期六

營養師的500卡瘦身餐

我知大家等咗好耐,其實我都係。客氣說話唔講喇,都講咗好多,不如介紹吓本新書,因為這本書,真係要介紹的。上面果個,當然係個封面啦!

當你買咗本書返屋企,第一時間,你會揭去邊頁呢?我知你一定會去睇D食譜,我明嘅,咁靚,都要睇下先,不過,你應該先揭去〈這本書的用法〉那一版,因為,這本書真係專為要減磅的朋友設計的,所以,你必須好了解健康的一餐應包括什麼吧!

但係最重要的部份,是我專為正跟著尚營坊營養師餐單減磅的朋友,而準備的份量換算方法,咁樣,你哋就可以跟住營養師度身訂造給你的餐單去煮飯,唔想出街食的日子,都可以輕鬆減肥。好似這個香辣蜆肉天使麵咁,右下角寫住,是3份五穀3份肉加1/2份脂肪的份量了。咁大家減肥時就唔好以為只可以清蒸白烚啦!


俾多幾頁大家睇啦~


烏冬可以用來炒的,唔好諗住只係放湯喇!

同時地,我哋都好照顧你們家的助手呢!有英文譯本的,在書後頁。


今日開始,尚營坊的三間分店都會發售,而當然,今天的新書發布會也有呢!而各大書局,就要等多一星期喇!物流需時嘛!


雖然頭先話唔講客氣說話,但係,如果唔係有你哋,我應該唔會可以在本年內,出三本書,你無睇錯,係三本,這是第二本而矣,待續...

6 則留言:

匿名 說...

Congratulations!
I will buy this book for sure. By the way, what is the theme of the 3rd book? There's only one month to go for its birth!
WS

Mrs. Cook 說...

恭喜恭喜!!一年出三本書,真棒..支持你..加油啊!!

匿名 說...

很喜歡你的書,昨天第一次聽你哋講座,真是非一般的,終於明白為何會愛上你,應該是你的才華及你那顆關顧別人的心,加油,會永遠支持你。

匿名 說...

花了一個晚上,把整本書都看完了!真是太精美,物超所值,而且很欣賞食譜的小介紹而且換算也好用呢!我決定多買幾本,作為聖誕交換禮物之用。加油努力,你為戰友付出了很多。
WONG CHI YU

匿名 說...

為何你之前出的書在書局找不到??

匿名 說...

我全部入晒貨ga!