營養師黃凱詩的生活點滴

2012年4月26日星期四

比高包

大毛:今日早餐食咩好呢?
黃CC:大毛!你朝朝早餐都係食餅餅,有得揀咩~
大毛:我係你隻愛貓,我唔食餅餅你咪又要開罐罐俾我食!點會無得揀吖主人~
主人!不如你諗吓你今日塗牛油定Cream Cheese啦!聽講唔可以兩種都塗架!肥死你呀!


 大毛:話你知啦!今日主人揀咗cream cheese,一次用1湯匙好喇!當脂肪咁計喎!
這個袋載住今日嘅主角水泡,不過主人話唔好認錯,因為有一種水泡會喺熟油上面游來游去,果個叫Donut,佢哋嘅熱量分別好大架!另外,由於佢,即係個比高包嘅肌肉好給實,所以主人話一個已經是3份五穀類食物囉!如果你又想用佢來做早餐但早餐份量又只得1份五穀,咁點算呢?俾你諗1分鐘。
 醒目!你一定同我一樣諗到答案!答案係,食咗先算,我唔講你唔講,主人鬼知咩~HEHE

不過我主人好犀利架!我諗你哋未必呃到佢,所以,你哋都係乖乖地,扣返午餐或者晚餐1份五穀啦!

4 則留言:

Alice 說...

Hi CC

我想問下, 買急凍比高包, 係唔係一定要同焗爐整返熱架?
徹波爐唔知得唔得呢?
Thanks~~

匿名 說...

CC,如果食半份烚蛋三文治搽左呢隻cream cheese 1茶匙, 可唔可以再加少少,都係1荼匙左右既脫脂酸乳酪沙律醬(1茶匙得33kcal, 2.9g脂肪, 0.93g糖, 90mg鈉)?@@ thanks~~

匿名 說...

依隻cream cheese 真係好好味^^ 我貓貓次次見我拿出來都跟住我尾拉我手臂要食! 我見到佢有一隻係三文魚味, kcal高過less fat dd, 但好似好好味咁...減緊肥搽得嗎?

匿名 說...

打錯x] 脫脂酸乳酪沙律醬應該係1湯匙33kcal先岩!