營養師黃凱詩的生活點滴

2012年8月24日星期五

黃詩詩 Keep Fit 自家製麵包

這是我今天的早餐...


個麵包似唔似一個好舒服的枕頭飽呢?其實,當佢一出爐嘅時候,我見到佢都好開心,因為這個真係我做過的最軟最彈牙亦都最滑的。


自從我話俾大家知我最近好鍾意自製麵包之後,好多戰友都問我點解我個包好似好軟,但佢哋也有麵包機都做唔到,問我係咪需要換我果部麵包機,我個人認為,係唔關個麵包機事架!問題真係個食譜、麵粉同最重要的酵母之配合。因為我用過同一個食譜、材料等去另一部麵包機試做,出來的結果差唔多,但係,我用過好多個牌子嘅麵粉同酵母,出來的結果就好不一樣,當然也試過做了一嚿石頭包啦!所以,我現在都是用日清的強力粉來做麵包的,而酵母呢!我會選用一些獨立包裝的,因為我試過用一大枝的,不知是不新鮮還是什麼原因,花了一整晚的心機,只換來一個石頭包,唉!浪費哂D麵粉,所以我覺得,酵母是十分重要的。如圖中的,是獨立包裝,一小包有約7克,通常用2次的。其實不一定要用這品牌的,是獨立包裝就可以。


麵包機方便之處,是可以將很複雜的做麵包工序簡化。你只需要將所有材料,一拼加入麵包機就可以,不用揉的,我說真的,很簡單,但當時也要時間,大約是3小時,就可以有新鮮麵包食。




好啦!介紹下這個適合keep fit 朋友吃的包,為何只適合keep fit人士呢?因為這個食譜的糖份發脂肪,均比上次介紹的,都多一點,所以,是較軟滑的,每片約有125Kcal,每片的脂肪約3克,當然,我做一磅的包是切了10片的。
如果你自己做過麵包,你應該知道,若果切麵包切得唔好,會好失望,所以我找了很久,終於俾我搵到一把價廉物美的麵包刀,就是圖中那一把,是一把日本製的麵包刀,只是108元,牌子是NIKKEN,你可以去上海街,近油麻地港鐵站,陳枝記刀莊,問一問老板,他就會介紹給你了。


真係切得好靚架,好似街外買的。

有新鮮麵包的早餐,就是美好的開始呢!

好啦!麵包機食譜在此~

250克日清強力麵粉
140克清水
25克糖
25克牛油
25克雞蛋
3克鹽
3克酵母
試完之後,話我知你成功與否啦!


12 則留言:

匿名 說...

雖然麵包機好方便
但我好享受搓粉的過程~~

匿名 說...

請問減肥中的戰友可以照跟嗎?還是應該以代糖及Can't believe 來代替砂糖及牛油?

匿名 說...

請問糖是S代糖嗎
牛油是低脂那隻?

匿名 說...

25g egg 即是多少隻,

Cynthia Wong(黃凱詩) 說...

如果你正減肥,就用20克普通牛油,糖份用真糖才可,以免影響發酵。25克雞蛋,就要自己磅,份量少於半隻。戰友吃那餐麵包時,就不要塗牛油了。

樂兒 說...

我的3歲小孩有牛奶及雞蛋敏感(嚴重),請問造麵包時有牛奶及雞蛋代替品嗎?

匿名 說...

既然彈牙就唔會軟滑啦啩

匿名 說...

我未睇到你回覆用左s代糖又ok喎

匿名 說...

日清強力麵粉及酵母粉在那裡買?

匿名 說...

CC, 我想問:我見你有提及過在做麵包時可以預校時間制,延遲時間至早上,待早餐時可以吃到熱騰騰的新鮮麵包。但我見麵包機的說明書又說如果用料有易變壞的食材,如蛋及牛油,便不宜delay,要即做。可以分享一下你的經驗嗎?謝謝!

Elsa Chan 說...

er.. er... er...
想問係做邊個size ??我0個部係有 500g/ 750g /1000g???
唔知揀邊個size ~
謝謝回覆.........

匿名 說...

您好:請問可以用木糖醇代替白糖嗎?因本人是糖尿病高危者