今天是年廿九,從中國人的年曆看來,應是這年度的最後一天。已經忘記有多少時間沒有正正式式來這裡寫網誌,沒錯,是我的心靈頓時產生了一點亂子,需時一點時間調整過來,大概也不太想在這裡發放甚麼負能量吧!有時候,某些東西的失去,會令你更認識自己。生命中,總會有喜怒哀樂,只要你記著生有時、死有時 、哭有時 、笑有時,那就足夠。人有時候真的將太大個背包放到自己身上,當有一天,受不了是,整個人也下來塌下來,或許已是太遲了。
好了!寫下來,都是想時常提醒自己,該放下時就應當放下,我相信愛我的,也體諒個多月來懶隋的我。
新年快到了,就讓所有憂愁留到龍年。
好啦!先來一個猜謎遊戲!知否這包是甚麼傢伙?唉!做咗營養師十幾年,你估我唔知大家在營養師也放假的日子會怎樣吃,所以今日想教大家點樣係大餐同大餐之間補鑊一下,你大概都要俾個消化系統休息休息。最好的方法,當然係煲個粥。
你一定會話,煲粥,駛鬼你教啫!但係如果我話你知半個鐘內就有好綿嘅粥,你信唔信?
其實起初朋友SEND俾我,我都唔信,所以我決定自己試。
首先你要隔晚將大約60克嘅米放入冰箱,睇清楚,唔係雪櫃,用食物科學的原理去解釋,咁係用來凍死米裡面的組織,咁佢一煲就散哂,就好快有靚粥食。
其實情況同做凍豆腐都好相似架。
有咩材料呢?浸好乾瑤柱啦~再撕開。
當然仲有冬菇,個粥就有濃郁的香菇味。
都要有少少牛肉片啩!但如果你新年真係食咗太多肉,就唔好落。
講真架,少於三十分鐘,就係這個樣子,自己調味啦!
但係記住呀!預防勝於補救,多吃壞肚腩呀!不過如果真係肥咗,可以年初九後搵我減磅嘅~~不過,希望你唔駛啦~呵呵呵!!!
祝大家新年進步,身心健康,愈食愈FIT啦!!
留言