跳至主要內容

核桃小圓包

我都知雖然好多朋友都已經開咗工,但這兩天返到工作岡位,都應該係一個未回魂狀態,所以,你而家先會睇緊我個BLOG,我係咪無講錯呢?
既然係,就不如試下今個週六,自己試下係屋企做麵包啦!好簡單咋,唔駛用麵包機,但係就要有強大的臂力,當然要有焗爐同一個電動打蛋器。

(其實如果你今日都有拿am730的話,應該見到,但版面未能放上所有相,所以唯有放在這裡,讓大家看得清楚一點)

核桃小圓包可以開始製作
準備好材料
先預熱焗爐至150度,把合桃烤焗約15分鐘    


材料:
高筋麵粉180
砂糖15
煮食用代糖1湯匙
清水100毫克
無鹽牛油5
奶粉3
即溶酵母3
2
合桃4

第一、混合材料
(平日這個步驟會用手搓,但初學者好難控制,所以用電動打蛋器幫手,但要先換上螺旋勾)

1.    先將高筋麵粉、奶粉、糖、代糖、鹽、水及酵母順序放入大打蛋盆內。
2.    用電動打蛋器打成粉糰約5分鐘。
3.    然後,再將牛油加入粉糰,再打勻約10分鐘。



黃詩詩提提你:大約15分鐘後,你個麵糰應該好似下面個圖


 黃詩詩提提你:然後可以蓋上濕布或Kitchen Towel


4.    將粉糰搓成圓型狀,於置於打蛋盆中央,再鋪上廚房紙,洒上小許水份令粉糰濕潤,於放較暖和的地方約30分鐘等待第一次發酵,直至粉糰變成兩倍大。



黃詩詩提提你:大家見唔見到佢又圓咗又大咗呢?可以噴少少好,令kitchen Towel容易取走




5.    取走廚房紙,在工作枱洒上少許高筋粉,用手控壓以排出空氣。
6.    用刮板平均分成4等份,滾圓,放在焗盆上再鋪上廚房紙進行15分鐘中間發酵。




         黃詩詩提提你:佢現在叫休息,你都可以休息,即係所謂Bench Time又或者叫中間發酵


不過同一時間,個焗爐應該要預熱了。

7.    再用手按壓排氣,滾圓後,用剪刀剪四刀成十字型或保存圓形狀。

黃詩詩提提你:你可以自己決定做咩形狀架!


8.    用廚房紙蓋著進行第二次發酵約30分鐘,完成發酵後放上核桃。

黃詩詩提提你:有否發現佢又快高長大呢?




9.    於進焗爐約12分鐘,麵包取出放在放涼架,即或。

收成的感覺是美好的~~



食譜節錄自15.02.2013 am730 《廚神》專欄

留言

匿名說…
好正喎!跟呢個份量,但用面包機可以嗎?(≧∇≦)
麵包機就用先前介紹的麵包機食譜吧!
匿名說…
請問1個包包點樣換算架? :D
桃城美食說…
看起來也太美味可口了吧~
好想吃阿~~但實在沒那雙巧手呀!!
Irene說…
不用代糖可以 全部用普通砂糖得唔得?
Irene說…
不用代糖可以 全部用普通砂糖得唔得?

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。