跳至主要內容

30分鐘的方便餐

 人有時候,難免有情緒,但最重要係,你有無方法令那種情緒快快離開你,這是更重要的。

今日,那種情緒又找上門,我為咗離開佢,決定放工之後,做D自己喜歡做的事,於是想起做一個白汁蘑菇意粉,因為佢係我的摯愛。

但由於我減緊肥,要做白汁,就只好去找那罐低脂的蘑菇湯,點知行咗兩間超市,去咗CCSupper,都無,我心諗...唔通個天都唔鍾意我。

好彩,我永遠都有種不服輸的心理,我拿起你哋眼前見倒嘅普通版,睇下佢個標籤,竟然俾我發現,佢嘅脂肪同熱量都好合格,哈!原來希望真係在人間。就係咁樣,我就帶咗佢返屋企。


睇下個標籤!120 ML 有60卡,當中有10克碳水化合物,但我如想食多D意粉,就要食少D汁,所以我最後用咗80克,即是1/2份五穀的汁來做意粉。不過記住,都有脂肪,所以煮意粉時,就唔好再落油喇!

而意粉呢?我就用咗53克,即是換算了2.5份五穀,加上白汁,剛好是餐單的3份五穀。


 今天太累又太懶了,買了蘑菇及煙火腿,加起來是兩份肉類同一份菜。


切好咗,份量都唔少架!


最快方法,一邊煮意粉,另一個鑊炒下蘑菇同火腿,剛好8分鐘,意粉稔後,放落鑊,再加白汁煮一陣,加D黑胡椒就可以。



都話好簡單啦!不過記住,點解我只用80ML 白汁,一來都有熱量,二來都幾咸,記住加D水,個汁咪多D囉!


一個簡單的減肥餐單,咁就完成了,係咪好簡單呢!食完即刻開心哂~

留言

匿名說…
曾在誠品見過妳,已很瘦了。
繁花似錦說…
加油呀! 看了你的書,覺得很有用,很貼合香港人的日常生活和飲食,謝謝你呀!
匿名說…
煙火腿會脂肪太多嗎?
如改用雞胸肉會好一點嗎?
THX

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

有得食仲要有得瘦~

很久很久也沒有放上來,沒有看免費報紙的朋友還問我是不是有徒弟仔就不再講講座~ 了解我嘅朋友一定知我唔會咁做,因為這是唯一一個可以跟你們有得直接交流的方法,而且無講座果一個禮拜我會周身唔舒服的,放心啦~我愛我的工作,無論怎樣,我也會講落去,除非沒有人再想聽啦! 上面那個廣告中頭兩個講座已滿了,尚有以下兩個,是免費的,想聽就報名啦~ 留座電話係2891 0920 21/6 (二)九龍佐敦柯士甸道童軍中心1114室 27/6 (一) 銅鑼灣中央圖書館地下1號活動室 再一次多謝大家支持~

選擇障礙

今次,我終於明白咩叫選擇障礙... 一個星期前,我同大家玩咗個心理測驗,問大家生日嘅時候會揀咩餅?身邊的朋友都異口同聲話,原來都唔知點揀好。我都好明白,有時無得揀又唔高興,但當有得揀就仲煩,但當選擇多到成100種嘅時候,更加唔知點算?! 有睇我個Blog嘅朋友應該知道,一個月前,我係日本睇中咗一部單鏡反光機,但最後都無買,番到香港,d戰友紛紛問我,吓?!無買呀!做咩唔買呀!個相機咁cute!!唉!你哋真係好鬼衰,明明好辛苦先放棄咗,而家又攪到我囉囉孿! 好彩!我有個好好好好人嘅戰友係日本啫,仲咁啱有個friend月尾會去日本,哩d係咪叫緣份呢!但第二個問題又難到我,成100種配搭,我而家有好嚴重嘅選擇障礙,點攪呢! 個網頁好好玩,幫你襯色慢慢揀,幫下手啦! www.camera-pentax.jp/k-x/#/simulator/120101