營養師黃凱詩的生活點滴

2009年3月24日星期二

雪櫃裡常備的沙律醬

既然有讀者問,用邊隻沙律醬好,我就將我個雪櫃嘅存貨帶俾大家睇吓。

排哂隊有4枝,左起第1、2二枝,是我覺得自己肥咗少少嘅時候用嘅,因為佢哋減咗肥,即是低脂啦,一次用2湯匙都可以。第3、4枝是我的摯愛,是日式芝麻醬,但就比較多脂肪,一次只可用1/2-1湯匙,我間中都會用佢,因為超好味,包你唔停得口,我有friend,原本好憎食沙律,但自從有這枝百搭沙律醬後,佢就愛上咗沙律了。
另外,昨天話會介紹盒薯蓉比大家,這盒薯蓉,每1/3(乾)碗,相等於1份五穀類食物,一般成年人,一份午餐可以食1碗,製作方法好簡單,加熱水或者熱奶就可以了,當然要加d綠葉襯吓個薯蓉啦!

10 則留言:

匿名 說...

Hihi

thanks so much for introducing the salad... great!

I will definitely try the Sesame favor..

Hazel

匿名 說...

Hello

睇番你之前的post, 有一個好吸引我.

你有一個lunch 買左5隻鵪鶉蛋!!! 鵪鶉蛋係我至愛. 但亦知膽固醇很高, 是嗎?

咁間唔中一次食5隻, 係咪都ok kar?

Hazel

匿名 說...

can teach us how to make 蝴蝶粉沙拉?

This is a really tasty dish in summer...thanks!

Zoe

匿名 說...

這盒薯蓉,每1/3(乾)碗,相等於1份五穀類食物。乾係唔係指未加水的薯粉呀? 定係加左水計1/3碗呀?

匿名 說...

你好呀,Dr. 黃!
我睇AM730你講既「薯仔」篇, 就上黎睇你既指教喇!
我都鍾意食沙律架, 薯仔沙律真係我既至愛!
不過我公司無雪櫃設備, 所以我都無乜可能自製lunchbox, 搞到要日日出街食架!
其實我想問一d唔太關營養既事...唔知你會唔會答我...
如果我跟你整個果「薯仔切粒+粟米+吞拿魚+車厘茄+青瓜」的沙律的話,
咁呢個沙律餐響無雪櫃保鮮的情況下, 可唔可以keep到放4-5個鐘頭?? (1pm 係lunchtime)
希望你能解答, 謝謝!

Carmen

Cynthia Wong 說...

Dear hazel,
鵪鶉蛋可作為肉類的選擇,但需注意1隻有76毫克膽固醇,每天健康成年人建議量是300毫克,不應過多。

Cynthia Wong 說...

1/3碗1份五穀是乾的!

Cynthia Wong 說...

Dear Carmen,
放於陰涼的地方,在現時20度以下的環境,放2-3小時,問題不大吧!但是夏天就不好了。
其實你提及的食物,如粟米、吞拿魚及薯蓉也可以回到公司後,再調製的。

cynthia

匿名 說...

Cynthia,
你介紹第三o個支日式芝麻沙津醬呢.
我今日o係康怡吉之島都見到有呀。
可能會抵過係citysuper買.

不過我唔得食...太多fat.........

Grace Sze Man 說...

Cynthia,
我找左好耐都搵唔到左起1&2支,也話已相隔一年,但我在超市我的左1支的free字用黑筆塗改左,第2支我見到同牌子變了99%free,請問兩支係咪同你果隻一樣,請賜教

grace