薯仔蘿蔔煮青瓜 3月 27, 2009 薯仔,當然新鮮係最好啦!但係我發現,一種叫新薯的薯仔超級好食,昨天,用佢煮肉片、青瓜、蘿蔔同薯仔,都唔知幾好食,做法非常簡單,首先將薯仔同蘿蔔去皮切成一嚿嚿,青瓜切片,瘦肉切片用豉油胡椒粉醃好,先用1茶匙油加蒜粒油起鑊,先炒肉片再加入薯仔及蘿蔔,然後加水煮,後加青瓜,焗約10分鐘,薯仔及蘿蔔煮便可以了。 分享 取得連結 Facebook Twitter Pinterest 電子郵件 其他應用程式 分享 取得連結 Facebook Twitter Pinterest 電子郵件 其他應用程式 留言 匿名說… 好鬼衰o架, 要ot呀, 攪到我好肚餓呀! Virginia Lam說… 我是新來的, 用了2個下午看畢你整個手記.實在獲益良多!感激, 多謝!!! 匿名說… 除左薯仔, 可唔可以講下蕃薯ge營養,kcal 咁? D日本蕃薯好好食, 無又怕佢重澱粉質,做易肥... THX! Goobeekiwei說… 營養師, 睇你本書有講到話薯仔唔肥la~咁我想問下~薯仔有新薯同焗薯兩種~唔知道你指唔肥你邊種lei???定有兩種都一樣lei???我上網睇資料~d人話焗薯澱粉重d~新薯就水份多d~咁即係dim ar~???先謝謝~!:D 匿名說… Cynthia:我爸爸有糖尿病+血壓高+腎功能只得兩成,佢可以食得d咩呢???可否介紹一d餐單或食物給我呀????Thank you so much~~Siu ming 匿名說… 可唔可以教整勁好味既 '日式薯仔沙律'?係咪要落奶,醋..?Hazel 匿名說… 什麼叫做新薯? Cynthia Wong(黃凱詩)說… Siu Ming,由於營養師需清楚病人之背景等詳細資料才能為他們安排餐單,若不介意的話,建議帶父親見營養師,真對不起! Cynthia Wong(黃凱詩)說… 新薯,是一種薯仔品種,個人口味,覺得較好吃吧! Cynthia Wong(黃凱詩)說… 番薯比薯仔更有營養,因為紫色的有原花青素,黃色的有乙型胡蘿蔔素。
避風塘 9月 01, 2011 茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。 閱讀更多
黃詩詩教你減肥稯 6月 04, 2012 好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見! 閱讀更多
酸酸地的雪糕 11月 01, 2010 講明先,我絕對唔係想介紹圖中的乳酪雪糕,唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度,果頭食完台灣麵線同珍珠幼茶,前後唔夠一年,又換畫,成個街頭都係froyo,即係乳酪雪糕啦!但係面對這些新到產品,作為營養師,有時都幾懊惱,因為這些街頭小食,是沒有營養標籤的,最慘係佢哋成日以健康招徠,於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕,前者一定優勝D,因為佢哋都加有活性乳酸菌,對腸臟都健康D啦,仲可以增強抵抗力,但問題係,乳酪是由牛奶經乳酪菌發酵而成的,所以都幾酸,就係因為佢酸,大部份人都較難接受,所以好多時會加糖囉! 所以呢,佢哋好大機會陰D陰D甜死你。 我就親身用我個銀針口試過兩間,一間是上圖那間,另一間是自助服務的,自助服務那間是由美國來港的,美國的網頁,就有原味的熱量,每100克75卡,脂肪是0的,但有兩茶匙糖,如果Keep Fit朋友要食,1次食100-150克尚算可接受,不過佢都幾奸架,網頁只有原味的營養資料,其他口味呢,都沒有顯示,聰明人應該知點解啦! 但我頭先同車厘子講,佢就話唔鍾意這間,點解?好簡單...好酸囉,我食完都酸到震咗一震,但我都幾鍾意。 那間yogo,就沒有營養資料,但我的銀針口話我知因為唔酸,所以有機會多加了糖... 其實外國有一間叫pickberry,佢個網頁的營養資料都好詳細,可以參考吓,100克的綠茶froyo,110卡,糖份已有20克,即4茶匙糖,都好高糖架,其實大部份都係咁,仲要記住,大家一次唔只食100克呢?所以,量力而為啦! 戰友們少食少食為佳。講真,真金不怕紅爐火,如果真係低糖低脂,就話俾大家知佢嘅營養資料,咁大家咪可以做個聰明選擇囉! 忠告大家一句啦! 酸酸地...會好D! 閱讀更多
留言
咁我想問下~薯仔有新薯同焗薯兩種~
唔知道你指唔肥你邊種lei???
定有兩種都一樣lei???
我上網睇資料~d人話焗薯澱粉重d~新薯就水份多d~咁即係dim ar~???
先謝謝~!:D
我爸爸有糖尿病+血壓高+腎功能只得兩成,佢可以食得d咩呢???可否介紹一d餐單或食物給我呀????
Thank you so much~~
Siu ming
係咪要落奶,醋..?
Hazel
由於營養師需清楚病人之背景等詳細資料才能為他們安排餐單,若不介意的話,建議帶父親見營養師,真對不起!