跳至主要內容

低熱量牛油透視


聽講好多朋友仔都準備係這個難得的長假期燒烤喎!有D朋友仲同我投訴,話CitySuper個低脂牛油貨架空空如也,但就有一種好似牛油包裝的東西,但唔知點用。

其實上次介紹那枝噴噴牛油都要慳住用,除咗因為價錢貴之餘,如果用得多,佢都有熱量,所以如果燒烤,每包食物噴3下就算,可不用理會其熱量。

但是,上圖那種低脂植物牛油,有個light字的,用1湯匙大約有45卡,相等於1份脂肪,沒有Light字的,就肥少少,1湯匙相等於80卡,約2份脂肪。(平時d植物牛油,1湯匙有135卡)

但老實講,塗1片-2片麵包,1湯匙都好多,所以用普通軟身植物牛油,每朝早用1茶匙,都叫適量。

留言

匿名說…
好嘢(拍掌聲)我嘅完美低脂cheese cake 拼圖終於完成喇!

有咗呢盒低熱量牛油,就唔駛煩惱整cheese cake 個餅底喇! 夾埋妳之前介紹的低脂忌廉 &代糖,今個假期,久違咗嘅cheese cake 終於可以再重出江湖喇....ha ha ha ha
你已經畢業,Keep Fit就OK,減緊磅的朋友,都唔可以用得太多:)
匿名說…
今日發現你係一個又貪靚又好記性ge營養師~:p

Happy Holiday~:D
Dora e說…
原來我連打咗自己個名四次出嚟, 唔怪之得比妳估到我係邊個喇! :)

我個cheese cake 嘅食譜要用4 湯羮牛油,8塊消化餅& 4oz 砂糖, 所以一定要嚴選食材架.

我啲同事以為減肥係我嘅終身事業, 唔知我已經畢咗成年業; 見我食脆脆蝦餅, 或間中食件旦糕, 佢哋就會好吃驚,攪到我每次都要解釋:"我減完成年喇, 而家keep 緊fit, 係可以間中淺嘗美食架,只要唔係勁食就得喇!"
匿名說…
你個營養師點只貪靚同記性好,仲好細心,你慢慢就智明!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

有得食仲要有得瘦~

很久很久也沒有放上來,沒有看免費報紙的朋友還問我是不是有徒弟仔就不再講講座~ 了解我嘅朋友一定知我唔會咁做,因為這是唯一一個可以跟你們有得直接交流的方法,而且無講座果一個禮拜我會周身唔舒服的,放心啦~我愛我的工作,無論怎樣,我也會講落去,除非沒有人再想聽啦! 上面那個廣告中頭兩個講座已滿了,尚有以下兩個,是免費的,想聽就報名啦~ 留座電話係2891 0920 21/6 (二)九龍佐敦柯士甸道童軍中心1114室 27/6 (一) 銅鑼灣中央圖書館地下1號活動室 再一次多謝大家支持~

選擇障礙

今次,我終於明白咩叫選擇障礙... 一個星期前,我同大家玩咗個心理測驗,問大家生日嘅時候會揀咩餅?身邊的朋友都異口同聲話,原來都唔知點揀好。我都好明白,有時無得揀又唔高興,但當有得揀就仲煩,但當選擇多到成100種嘅時候,更加唔知點算?! 有睇我個Blog嘅朋友應該知道,一個月前,我係日本睇中咗一部單鏡反光機,但最後都無買,番到香港,d戰友紛紛問我,吓?!無買呀!做咩唔買呀!個相機咁cute!!唉!你哋真係好鬼衰,明明好辛苦先放棄咗,而家又攪到我囉囉孿! 好彩!我有個好好好好人嘅戰友係日本啫,仲咁啱有個friend月尾會去日本,哩d係咪叫緣份呢!但第二個問題又難到我,成100種配搭,我而家有好嚴重嘅選擇障礙,點攪呢! 個網頁好好玩,幫你襯色慢慢揀,幫下手啦! www.camera-pentax.jp/k-x/#/simulator/120101