跳至主要內容

50蚊3磅


有時去街市買嘢,一定要抱住一種心態--忍忍忍...

話說兩日前,行經旺角,諗住買D水果,一行去個生果檔,見到一堆堆紅噹噹,明顯有勁多原花青素嘅車厘子向我招手,跟住檔主就話:『收工平賣,50蚊3磅!』當時我心諗,3磅?點食呀?其實我原先諗住買1磅,但係又唔好意思淨係買1磅,於是我又問:『咁兩磅幾錢?』檔主提議:『兩磅就40蚊,買三磅啦!抵D,俾多10蚊有多成磅!慳得1蚊得1蚊啦!』唉!好似好吸引咁...點算...唔得,1粒車厘子成5Kcal,食20粒已經係1日嘅quota,買3磅返屋企,隨時肥咗都唔知咩事。

最後忍忍忍...買咗兩磅,應該要食3日,好彩,車厘車係my favorite!

留言

匿名說…
I've already tried cherries several times this year because it seems that the price is cheaper and the quality is good. "Luckily" there is not any fruit stall offering discounts with bulk purchase on my way home. Don't worry, I just take 10-15 cherries every day.
I would choose cherries as one of the most tasty and healthy fruits. Yummy!

Wendy
此留言已被作者移除。
匿名說…
香港的夜景真的非常靚,但"光污染"太嚴重啦,天上的星星,你去咗邊呀!!!!!!
匿名說…
有辦法,你帶返公司一定有戰友同你清!
匿名說…
一日只可以摄取100Kcal以下??
係指水果個份中嘅Kcal??
匿名說…
100kcal,咪即係生果的份量啦!每日應有2-3份生果嘛!
匿名說…
死火,剛吃過一磅!明天要搵aaron!
匿名說…
想問下我係書局教不到以營補營一書,邊度仲有,書局話賣哂!我剛睇完吃出形態,想買前作??
匿名說…
樓上讀者: 奧海城 大眾好似有呀!
此留言已被作者移除。
匿名說…
i am also a super fun of cherry, but can't believe it is such a high calorie fruit.
Could you pls explain why 20 pieces are the upper limit?
And, how about strawberry? does it also have a simliar quota?
thanks!!
匿名說…
聽佢的講座咪可以買番佢本書囉.

味王
匿名說…
營養師:

我今日晚餐食了差不多一斤枝豆呀???怕不怕???曾經聽你講過枝豆脂肪少熱量低,所以我今日吃了很多(因我太鍾意食啦)~

等你的回覆~

你的會員&減磅戰友
匿名說…
Cynthia, 我剛得悉有個很好有關食材資訊之網頁─http://www.fooddb.com.hk/ 那是否可按有關之資料去計算有關食物之卡路里呢? Glendy

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

酸酸地的雪糕

講明先,我絕對唔係想介紹圖中的乳酪雪糕,唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度,果頭食完台灣麵線同珍珠幼茶,前後唔夠一年,又換畫,成個街頭都係froyo,即係乳酪雪糕啦!但係面對這些新到產品,作為營養師,有時都幾懊惱,因為這些街頭小食,是沒有營養標籤的,最慘係佢哋成日以健康招徠,於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕,前者一定優勝D,因為佢哋都加有活性乳酸菌,對腸臟都健康D啦,仲可以增強抵抗力,但問題係,乳酪是由牛奶經乳酪菌發酵而成的,所以都幾酸,就係因為佢酸,大部份人都較難接受,所以好多時會加糖囉! 所以呢,佢哋好大機會陰D陰D甜死你。 我就親身用我個銀針口試過兩間,一間是上圖那間,另一間是自助服務的,自助服務那間是由美國來港的,美國的網頁,就有原味的熱量,每100克75卡,脂肪是0的,但有兩茶匙糖,如果Keep Fit朋友要食,1次食100-150克尚算可接受,不過佢都幾奸架,網頁只有原味的營養資料,其他口味呢,都沒有顯示,聰明人應該知點解啦! 但我頭先同車厘子講,佢就話唔鍾意這間,點解?好簡單...好酸囉,我食完都酸到震咗一震,但我都幾鍾意。 那間yogo,就沒有營養資料,但我的銀針口話我知因為唔酸,所以有機會多加了糖... 其實外國有一間叫pickberry,佢個網頁的營養資料都好詳細,可以參考吓,100克的綠茶froyo,110卡,糖份已有20克,即4茶匙糖,都好高糖架,其實大部份都係咁,仲要記住,大家一次唔只食100克呢?所以,量力而為啦! 戰友們少食少食為佳。講真,真金不怕紅爐火,如果真係低糖低脂,就話俾大家知佢嘅營養資料,咁大家咪可以做個聰明選擇囉! 忠告大家一句啦! 酸酸地...會好D!