跳至主要內容

低脂陷阱


上星期收到一張幾得意嘅相，所以想同大家分享下。

夏日炎炎，相信大家會諗起不如嘆杯透心涼的雪糕啦！但係...好肥啫，半杯哈根大師雪糕(我最鍾意的士多啤梨味)都有成250卡，當中有3茶匙油同4.5茶匙糖，都唔可以成日食啦！我最多都係1個月食1次。
但係有D戰友就即刻諗起佢嘅遠房親戚，雪芭 (Sorbet)，佢話自己係減咗肥嘅雪糕，咁又係唔係ok呢？其實雪芭同雪糕的分別，在於當中嘅奶類成份，所以同等份量計算，熱量的確較低，但問題係，佢咪又係高糖，半杯有120卡，但糖份比雪糕更多，有約5.5茶匙，所以千奇唔好見到脫脂就開心定先，隨時肥咗都唔知咩事就唔底啦！
俾個士多啤梨雪芭成份表俾大家睇下，Ingredients: Water, Strawberries, Sugar, Corn Syrup, Lemon Juice Concentrate, Pectin, Chokeberry Juice Concentrate, Elderberry Juice Concentrate, Natural Flavors

留言

匿名說…
唔係麻？！成日以為好健康，點解糖咁多，唔怪得仲肥咗！
7/29/2009 01:28:00 上午
匿名說…
想問下幾時再有講座，我第一次知道有這個綱，覺得好多嘢睇，都希望參加講座！
7/29/2009 10:39:00 上午
匿名說…
我間glelito店係用代糠整架喎..咁咪可以食囉..?
7/29/2009 11:06:00 上午
匿名說…
樓上位朋友,嚟緊個講座係8月4 & 12號呀!上去尚營坊個website www.nutracare.com.hk check佢公司個電話打比美麗嘅金美小姐或者車厘子小姐留位喇
7/29/2009 11:38:00 上午
Cynthia Wong(黃凱詩)說…
如果有代糖做就好喇！但係你要注意兩件事，第一係，成份即製作材料，因為部份味道，會用果位製造，例如開心果gelato，第二係，部份果味的款式，加入很多水果，水果過多，亦有果糖，糖份都唔少，不如咁啦！等我lee隻白老鼠試下先，遲d話俾你知有沒有口味適合戰友啦！但係...可以話我知邊度有分店，你知啦！我獨沽一味，淨食哈根大師士多啤梨雪糕：)
7/29/2009 01:24:00 下午
匿名說…
Hi,
我喺你公司減肥架，已經完成晒成個減肥療程啦，依家係無人看管狀態，體重仲keep得住，我都係最鐘意食士多啤梨味架～我老公近日買左好多雪糕雪條呀，咁我想問我一日／一星期最多可以食幾多／次呀？咁食紅豆雪條又係咪無咁肥架？
7/29/2009 01:53:00 下午
匿名說…
個隻用代糖做既雪糕係一間叫mamma mia Gelato 既雪糕店買架~~佢話一球得60 kcal~ 係世貿3樓都有分branch~你得閒快D上去試試啦~~THANKS~=^^=
7/31/2009 09:53:00 上午
匿名說…
我今日都去上面朋友介紹既雪糕店食左杯無糖strewberry gelito, 真係好健康喎. 佢話糖尿病人士都可以食.. 好yummy 呀
8/02/2009 01:48:00 上午
匿名說…
樓上個位讀者,我都好有同感, 原來減磅容易Keep Fit難, 因為要靠自已的毅力和定力才可抗拒食物的引誘.這點真是仲難過減磅呀! 所以"畢業"后我都覺得好失落,但是從另外一個角度看:也是我地在新的環境中再加深對健康,食物,飲食習慣的認識, 而不是要營養師帶著我地走.這樣我地才會"長大成人"啊! 你有時間都可以同以前的營養師傾談, 他/她們永遠是我地的好朋友呢!
8/05/2009 10:40:00 下午
Cynthia Wong(黃凱詩)說…
已做了白老鼠，用代糖做的6種口味中，可以選士多啤梨及芒果味的，其他脂肪較高，不建議，另外那天減少一份水果便可以！
8/06/2009 12:23:00 上午
Cynthia Wong(黃凱詩)說…
減磅後，一星期吃一次雪糕也可以，但緊記不可建立吃甜品的習慣，所謂習慣，是每天或隔天也要吃，間中放鬆下是可以的，我一個月都會食一兩次哈根大師啦：)
8/06/2009 12:27:00 上午
匿名說…
This found three portions of fruit and vegetables, breville bje200xl compact juice fountain remove any large seeds and pits are separated.


Check out my webpage best juicers
4/30/2013 08:03:00 上午
發佈留言

此網誌的熱門文章

避風塘

茫茫人海，兩個人能夠相 遇、 相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。
4 則留言
閱讀更多

黃詩詩教你減肥稯

好喇！一切準備就緒，可以開始報名。今日個報導都有講啦！就算隻稯係好似好鬼健康，又有豆又有什麼高纖米，都未必健康，因為會有肥豬肉同咸蛋架！詳情去今日蘋果日報睇啦！http://hk.apple.nextmedia.com/news/art/20120604/16394929 咁都係好想食稯又點算呢！上星期都預告咗！我會親自聯同廚神Thomas先生，在今個週六同大家一齊做。 日期：6月9日（星期六） A班：2：15﹣3：15PM B班：3：30﹣4：30PM 費用：＄90 （每人一份食材） 上課地點：銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法：即日致電29920148留位，然後1個工作天內到尚營坊以現金交費便可。當然，你亦可以入數去恆生264﹣298316﹣883，再傳真入數 紙來29920146，但當然要寫上你的大名啦！ 快D報名喇！到時見！
1 則留言
閱讀更多

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。 我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。 那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！
3 則留言
閱讀更多