營養師黃凱詩的生活點滴

2009年8月4日星期二

田園風味餐廳



近排,好多戰友諗住過大海放鬆下,就問我有咩好嘢食?

哈哈!你哋無聽錯,係有咩好好味嘅食物,千奇唔好以為營養師介紹嘅食物,只係烚下烚下,我經常講,減肥唔應該係一個人的終身事業,有時都可以食多一D,放鬆一下,我講計劃完成之後呀?

每次去澳門,我一定會長途跋涉去黑沙這間餐廳,貪佢食物好食之餘,仲好有田園風味,次次都會叫燒沙甸魚、燒雞同沙律,你哋自己睇,係咪流哂口水呢?



條沙甸魚簡直係極品,又滑又香,我班Friend本來好多嘴,講嘢唔停得口,但係一食條魚,大家都靜哂,好簡單啫,想專心享受條魚,咁先尊重條營養價值咁高(高鈣、高奧米加三)嘅魚仔嘛。


另外,就係好新鮮嘅沙律,不過大家記記記記記住,千奇唔好好似我個Friend咁,以為橄欖油唔肥,猛咁落...如果唔係都肥得幾無辜。


其實仲叫咗隻雞,但太香太好味,所以待侍應一送到,大家掛住食唔俾我影囉,但係食肉之前,一定要嘆佢個大大個豬仔包。

仲有提醒大家,佢嘅空調好正,係全天然自然有機田園風,怕熱嘅朋友,黃昏先去啦!間小店叫法蘭度葡國餐廳。
今次介紹嘅食物,減磅戰友都食得,係咪想即刻book船飛呢?

7 則留言:

匿名 說...

妳真係好鬼死衰,擺啲咁美味嘅相嚟引我,攪到我好想而家食下午茶添!

わたしは山今小姐 です 說...

hehe...咁我係咪可以食佢d薯條嫁??

阿yu

匿名 說...

食啦!革命都成功了,最多過完大海幫你急救啦!

Cynthia (黃凱詩) 說...

又唔記得入密碼!

わたしは山今小姐 です 說...

ye@H~~~!!!^^

匿名 說...

嘩!好似好好味!引死人咩!

匿名 說...

今日天鵝襲港,講座順利嗎?希望更多朋友可以接收你的營養知識啦!好似我一樣,減得健康!

一位讀者