營養師黃凱詩的生活點滴

2009年8月4日星期二

喜出望外


今日天鵝突襲香港,適逢講座,起初都有少少擔心,但幸好天公造美,9點40分先掛起8號風球,相信參加者應安全回家。

講座後,都要醫肚,成班同事,去食壽司,我哋今日都打算食得健康D,所以只叫了魚生壽司,但係食完之後,侍應竟然送咗一張Coupon俾我哋,我一望就笑咗出尼,送串燒豬頸肉一客,唔係卦,上個星期先講完豬頸肉肥到嚇死你,攪到成餐突然肥哂!

仲記唔記得呢?這個豬面頰下面的垂肉,100克即兩隻半麻雀大小,已有600多卡,仲肥過麥兜個肚腩,同等份量的瘦肉只有約128卡咋!

最後都要講多一聲多謝,多謝今日出席講座的朋友。

11 則留言:

匿名 說...

自從妳上星期一嘅AM730出咗街後,佢哋嘅豬頸肉開始冇人點,所以咪送比客人食囉. 點知好衰唔衰送著比妳. 又係妳話自己瘦咗,,一於食番”一片”豬頸肉嚟增肥喇!

匿名 說...

Cynthia, 今晚和明晚下午5時後那間貴價之城市超市有Privilege Nights,最多低至八折喎!
另外,我忘記了問我現在開始吃一茶匙薏仁粉,那應該怎換算? 又一茶匙花生醬又會=? (因很久沒用花生醬搽麥包了,突然想吃一吓!)
Have a nice day!
Glendy

匿名 說...

我家住屯門,工作又在荃灣,想買你的新作,書局有嗎?

Cynthia (黃凱詩) 說...

我近日沒有打書釘,未知道新書送到書局未,如果你週六有時間,可以到公司啦!但多謝先!

匿名 說...

你又放假....咁你d戰友係咪又可以放下假呢? hehe!>v<

匿名 說...

吓!你放假呀!咁你幾時先至返呀?我唔想日日上你個blog都淨係見倒塊豬頸肉啦!期待你新的分享。:<

匿名 說...

我都唔想再見果塊豬頸肉....

匿名 說...

對住妳個两串"串燒豬頸肉"對到有啲奄悶,妳幾時快活完可以update個blog 啫? 不過,妳聽日實大把戰友揾妳訴心聲,妳實忙到死啦,可唔可以趁下午得閒update吓呀?

匿名 說...

我都係咁話囉!好塊掛住你,唔見幾日,如隔三秋!

匿名 說...

咪係咯...係咪要我地推高 d 個數字你先見人先...哈哈哈!!!
果兩串豬頸肉最慘係唔食得呢 ! 有得睇無得食己經慘架啦!! 你仲唔現身唔得喎!

匿名 說...

好掛住你呀! 重未update架! 番黎未呀?