跳至主要內容

彈彈牛丸

唔知大家有無食過這間彈彈牛丸呢？真係好好味架，但係食過時候要小心D，因為太彈，我個朋友試過，扮斯文細細口咬，點知一咬就飛咗係我面前，好彩我身手夠敏捷避開咗，如果唔係就中榴『蛋』！

地址係邊都唔識講，係一個街市裡面，入口係尖沙咀海防道。

留言

匿名說…
會唔會好肥嫁? 好似貢丸1粒就有1/4係肥豬肉.
8/13/2009 03:23:00 下午
匿名說…
我都試過因為脫完智慧齒走去食牛丸米, 點知粒牛丸彈走咗呢個咁尷尬嘅經驗喎!
8/13/2009 04:39:00 下午
Cynthia Wong(黃凱詩)說…
無所謂啦！牛丸同魚蛋都是減磅朋友的恩物，但係記住唔好日日食，畢竟都咸咸地！
8/13/2009 05:22:00 下午
匿名說…
果度我都成日去,d牛丸真係好彈架!
8/13/2009 10:33:00 下午
匿名說…
我以後都唔會返工時間睇你個blog！話說今日睇你牛丸個blog，忍唔住笑到流淚，老細剛行過，問我做緊咩，跟住入房照肺照足半個鍾，你話慘唔慘吖！
8/13/2009 11:31:00 下午
匿名說…
我都試過，不過係睇個專欄嘅時候囉！激死！所以沒有專欄的日子就有D失落！
8/13/2009 11:52:00 下午
匿名說…
講到咁彈，我都想彈下，不過會叫d friend著避彈衣。
8/14/2009 12:34:00 上午
匿名說…
對上兩位朋友,你真慘喇!

我有時睇Cynthia 個blog,都會忍唔住笑出嚟,所以我在我個位放咗塊好cutie 嘅"到後鏡", 睇緊Cynthia 個blog時, 我會不時望塊到後鏡,同埋留意我老闆嘅腳步聲.

好彩我個懶老闆成日唔係office, 所以托賴我未比佢捉過. :D
8/14/2009 12:49:00 上午
匿名說…
我決定今日去食，食完寫個食評！
8/14/2009 11:48:00 上午
匿名說…
我都食過, 但要小心熟食中心入口有另一家賣牛丸的(唔係德發), 一個唔覺意食錯左第2間都唔知
8/14/2009 12:04:00 下午
匿名說…
第一次入來，就笑到眼淚水都出，我會成日入來。

新人王
8/14/2009 12:14:00 下午
發佈留言

此網誌的熱門文章

避風塘

茫茫人海，兩個人能夠相 遇、 相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。
4 則留言
閱讀更多

黃詩詩教你減肥稯

好喇！一切準備就緒，可以開始報名。今日個報導都有講啦！就算隻稯係好似好鬼健康，又有豆又有什麼高纖米，都未必健康，因為會有肥豬肉同咸蛋架！詳情去今日蘋果日報睇啦！http://hk.apple.nextmedia.com/news/art/20120604/16394929 咁都係好想食稯又點算呢！上星期都預告咗！我會親自聯同廚神Thomas先生，在今個週六同大家一齊做。 日期：6月9日（星期六） A班：2：15﹣3：15PM B班：3：30﹣4：30PM 費用：＄90 （每人一份食材） 上課地點：銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法：即日致電29920148留位，然後1個工作天內到尚營坊以現金交費便可。當然，你亦可以入數去恆生264﹣298316﹣883，再傳真入數 紙來29920146，但當然要寫上你的大名啦！ 快D報名喇！到時見！
1 則留言
閱讀更多

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。 我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。 那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！
3 則留言
閱讀更多