跳至主要內容

月餅節倒數...8日

『減緊磅係咪唔食得月餅呀?』戰友1號問。
我笑笑口話:『唔緊要啦!你食啦!』戰友1號瞪大雙眼,驟眼睇對眼仲大過我,佢話:『吓!真係食得???!!!』我打趣說:『這不是你希望聽到嘅答案嗎?』

臨近節日,我經常被戰友問及同類問題,情人節就問朱古力食唔食得啦! 端午節就問粽食唔食得,其實大家都好清楚我嘅答案係咩,但係總想睇下有無意外收穫,所以我就打算俾D surprise 大家囉!

1個正常嘅雙黃白蓮蓉月餅,約有870卡,當中的糖份達13茶匙而脂肪就有9茶匙咁多,又甜又肥,如果今年中秋又正減緊磅嘅朋友,都係食1/8個應下節算喇!

我知道大家一定會問:『咁冰皮呢?會唔會好D!』都好D嘅,少少啦! 1個約190克的冰皮月餅,大約有550卡,有7茶匙油同8茶匙糖架,要食就1/4個啦!

吓!一年得一個中秋節喎!食咁少咋!

唉!紫哥話:『人生有好多個中秋節,只係今年中秋因為減緊肥,食少D啫,以後仲可以食嘛!』

預祝大家中秋節快樂!

留言

匿名說…
但係...冰皮已經夠細個, 1/4的話, 真係...食左好似無食咁...嘻嘻!
匿名說…
其實你有時寫嘢都好鬼馬,但係見到你又cool到死...
匿名說…
哦! 你重掛住柴九哥既~~!
各位朋友:
如果迷你的冰皮月餅,1個熱量約180卡!
匿名說…
想問下點下個星期有無講座呢?有個同事想參加?

Nesty
匿名說…
真係服咗你喇!講月餅都講到咁有趣!怪不得你有咁多讀者啦!:>
匿名說…
哈!我都有同感,又有娛樂性又可以學下嘢!
匿名說…
Hello!

I'm wondering if you can recommend any good margarine in Hong Kong? I live in Canada and most margarine here are "non-hydrogenated" or contains no trans fat, which is good for the heart. However, my parents (who live in Hong Kong) are complaining that they cannot find any non-hydrogenated margarine there. I advice them not to use butter because of the saturated fat levels. So it would be helpful if you can let me know of any good margarine out there in Hong Kong so I can inform my parents. Thank you so much!
匿名說…
原來月餅真係咁肥架!細細個的冰皮月餅,我仲當零食食!
匿名說…
你都講得好啱,我次次問你之前,都清楚你嘅答案,咁都俾你睇穿!
匿名說…
咦! 妳真係好聽令專話擺咗張DJ相上blog喎! 果然係乖女!
匿名說…
你張DJ相好型喎>>>>>
匿名說…
那現時流行的"奶黃迷你月餅"呢? 會唔會比冰皮低卡及低脂呢?

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。