遍地南瓜

東京街頭周圍都係南瓜

去完日本充電之後，我決定要慢慢學懂係適當時候休息同hea，希望可以成功...最少可以維持1個月咁多啦!

hea完之後，第一個感覺係...暢快，暢快通常用來形容d咩呢??唔好諗衰嘢!我係講緊今日寫稿的時候嘅感覺，所以想第一時間同大家分享。噚日，唔知大家有無時間望下個天呢！我就係office望咗個天一陣，藍色天空，好靘，不過多咗d高樓大廈啫!

今日係公司食午餐果陣，竟然一邊睇八卦雜誌，平日我一定把握每一分鐘做嘢! 哈哈@@今日又成功咗一步，無辦法啦!離開咗成個禮拜，要update吓自己，如果唔係好容易同d戰友無話題點算!

點知俾我一邊揭，睇到一個護膚品廣告，個廣告話因為乾燥要保濕，所以品牌產品加入了脂肪酸、維他命A、維他命E，都講得好正確全部都係防止乾燥嘅營養素，弊就弊在哩D營養素要食落肚呢?! 所以想保濕，倒不如應下節，用1茶匙油煮個南瓜海鮮炒飯，再加1茶匙芝麻，仲保濕啦!不過最緊要就飲多D水啦!