跳至主要內容

講座是免費的...但健康卻要自己爭取


你估下我剛才去咗邊,睇下張相,咁浪漫...燈黃色的街燈,隱隱約約,見唔見到有個鬼影呢?

開估喇! 再睇下第二張相,見我咁嘅裝扮,唔駛講都知去完跑步啦!剛才一落樓,係大堂撞到D鄰居,佢哋就話:黃小姐,咁Fit仲跑步??其實次次見倒鄰居呀...看更伯伯呀都係哩句開場白,但係如果唔係經常做運動,點可以成日食咁多嘢又咁fit,主要原因係要保持健康嘅生活習慣,運動當然係重要一步啦!

有d戰友會話運動好辛苦,老實講辛唔辛苦睇下你點衡量,我從來無講過減磅同運動係唔辛苦,但係這種辛苦只係短暫嘅,有朋友曾經同我講,你要現在短時間的辛苦定係將來的痛苦呢?我會選擇前者。

我主講嘅講座,轉眼間已是242場,曾經有好多朋友同我講,唔好開咁多啦!老實講我亦講咗好多次,係辛苦但值得,如果參加的朋友聽到你講嘅其中一句,即時令佢醒覺健康飲食的可貴,我已經好開心,我經常都會話,雖然講座係免費嘅,但如果你聽完後唔改變自己嘅習慣,健康唔會自己飛埋尼架!健康係要自己爭取的,願每位網友早日明白這個道理。

有時間就聽下講座啦...一次聽完我打動唔倒你要坐言起行不打緊,你可以聽第二三四次,只要你願意,總不希望改得太遲啦!當然如果你唔驚我個講座會悶親你的話!

6/11 (五) 銅鑼灣禮頓道第一商業大廈601室
10/11(二)佐敦柯士甸道童軍中心1030室

打電話28910920俾我隻右手金美留位啦!

留言

匿名說…
有d覺得你簡直係一個superwoman!文章越來越有味道:d
匿名說…
原來你都有個咁正既海皮跑步既.....

d相果然好 0 2 feel~
匿名說…
你講得好啱~
健康是要自已爭取的~

不過你放心,我相信很多人都會被的的魅力吸引,
我都係聽左你一次講座,
就去左你公司做戰友了~
(不過就冇綠做你的戰友...)

而且你又寫blog,
又在電台做節目,
又出書....
一定很多人被你感染到!!
你睇你咁忙就知啦~

雖然已完成減磅一段時間,
郤開始懶...
我想又係時候聽你講,
提醒自己爭取健康,
多做運動呢~
一起加油吧!

tomato
匿名說…
我都好同意tomato的講法,人係需要有人提醒嘅!多謝你!仲有呀!你個講座又點會悶親人呢!你真係傻,我反而覺得個講座會令人重新考慮下決心去減磅添!或者是你的魅力所在,星級營養師,這個稱呼,你絕對勝任!努力!
匿名說…
哈哈!大忙人都做運動,我都要照做,大家一齊努力啦!
匿名說…
其實好想知你一日D時間點分配,等我可以學習下!
匿名說…
你真係愈來愈勝任大作家,期待你週一的文章!
匿名說…
想問下跑步唔會腳粗嗎?我很擔心!另外沒想過你都有時間做運動,我即刻反思過,都係要重拾運動!
匿名說…
點解你1日好似有48個鐘頭咁0既?!
匿名說…
我上個月聽完妳講座, 妳真係好得意, 跟住睇埋妳d書同睇緊妳呢個blog, 而家睇到2009年10月, 當然入埋妳公司join埋, 不過我十月先開始(我唔係第一次參加營養中心, 希望今次係最後一次, 以後學識唔髮再參加)~~

但聽完妳講座, 真係有d啟發, 減肥係短期放棄自己鍾意既野, 同妳呢篇講既寧可每日辛苦d, 以後有健康既身體~~我會keep住睇妳個blog, 睇妳成長, 加油, 可愛既營養c~~

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。