營養師黃凱詩的生活點滴

2009年11月18日星期三

攝氏10.7度...跑步中

運動前的我
攝氏10.7度,夾著呼呼北風,想阻我...無咁易!你今晚做咗咩運動呢? 我就繼續...步照跑,又完成3公里!

這個溫度下跑步,有咩感覺,只可以用一個字形容...爽...點爽法好難形容俾你哋聽,自己去跑下你就會明,有D類似我有一次,係零下10度下著雪時,在韓國浸露天溫泉嘅感覺囉,外面很凍,裡面熱騰騰!唉!都係自己Feel 吓啦!不過想提一提大家,在寒冷天氣下做運動,需更加注意熱身,如果唔係,好易受傷。

另外,我今日做了一件大家一定會做的事,就係打邊爐! 放工前,打電話返屋企,爸爸就話不如打邊爐,我哩個邊爐王兼菇王一定舉腳贊成啦!所以今日食咗佢哋!其實仲有田雞,不過我知有d朋友好驚田雞,所以唔打算放張相出尼!
好好味的清遠雞肉片
靚菜...唐生菜也

有無發覺無五穀呢?我係飯桶,所以其實仲有碗飯,雖然凍...唔好食咁多呀!

6 則留言:

匿名 說...

It's so cold and windy tonight. I like hotpot!

WS

匿名 說...

Thanks for remaining us for exercising.I DO that after reading your blog. Sounds good!!

匿名 說...

我昨晚都跑咗 3公里, 冇諗過自己可以完成架, 因為第二次落街跑. 感覺真係好正架, 因為外(面)冷, (身)內熱. 塊面紅卜卜, 個心卜卜跳, 心肺功能提升得勁高. :)

匿名 說...

你嘅影響力真大,我又係你講完先落街跑,覺得比屋企做差好遠!一齊努力啦!

匿名 說...

so envy u are keeping a healthy life n habbit. i am lazy that alwa give excuse myself..;P

匿名 說...

我同你一樣好鍾意運動, 但我比較鍾意做 yoga 多 d, 好多時放工就立即趕去上 yoga 堂, 一上就上到 9 點幾, 試過上完返屋企食 dinner, 但食完又太夜, 好似未消化完就上床瞓覺, 而且覺得一做完運動就食會好肥, 但唔食又好似唔多健康, 你有無 tips 可以比我解決我既疑難呀?