營養師黃凱詩的生活點滴

2009年11月25日星期三

米路偷食

你哋千奇唔好以貌取貓,以為Milo傻吓傻吓,其實佢係一隻超聰明嘅貓,有片為證,慢慢睇啦!

Milo覓食記
video


Milo: 吓!咁快就食哂喇?咪住阿哥個兜好似仲有,等我伸隻肥手仔囉兩粒先!(伸手入大毛個兜)

Moo:仲有幾粒等我慢慢嘆先,喂!你做咩呀??食埋人哋D嘢,肥死你呀!

Milo:鬼叫你食得咁慢咩!好味~

Moo:(拍一拍milo個頭仔)你好俾番我食喇!

Milo:我食食食,食埋個碟底...

Moo:(再拍一拍Milo)你仲食,你又話要減肥,你個肚腩就快到地喇!

Milo:得喇!你同主人一樣囉唆,食埋哩餐先,聽日先減啦!

你哋知點解Milo咁肥啦!咪因為佢成日偷食囉!乖乖地努力啦...大家:)

7 則留言:

匿名 說...

They are so cute! Will Moo have enough food anyway?

WS

匿名 說...

Milo真係細蝦大,Moo對佢真係好好!

匿名 說...

你都係多買一個兜, 分開佢地食啦, 如果唔係moo會餓親架!

匿名 說...

大毛毛好慘呀!俾肥米路食哂d嘢!睇吓佢有無瘦咗先好喎!

匿名 說...

段片Load咗好多次,你d貓貓真係好可愛!

匿名 說...

我諗你都好錫佢哋!你既生活都多姿多釆吖,多d分享下你嘅生活啦!相信大家都想知!
yan

Cynthia (黃凱詩) 說...

其實為咗幫米路仔減肥我已經用咗好多方法,而家我係會睇住佢哋食嘢而唔係放個自動盒,因為隻米路仔真係會食埋Moo嘅食物,有時見到佢都幾頭痛,唉!你哋就好啦!有我幫你哋整型,所以我已經開始自修貓貓營養學,睇下d關於動物營養嘅期刊,希望幫到佢啦!
大家唔駛擔心,大毛d體重維持得好好,而且大毛同我一樣,好鐘意運動,所以好fit!