跳至主要內容

米路偷食

你哋千奇唔好以貌取貓,以為Milo傻吓傻吓,其實佢係一隻超聰明嘅貓,有片為證,慢慢睇啦!

Milo覓食記


Milo: 吓!咁快就食哂喇?咪住阿哥個兜好似仲有,等我伸隻肥手仔囉兩粒先!(伸手入大毛個兜)

Moo:仲有幾粒等我慢慢嘆先,喂!你做咩呀??食埋人哋D嘢,肥死你呀!

Milo:鬼叫你食得咁慢咩!好味~

Moo:(拍一拍milo個頭仔)你好俾番我食喇!

Milo:我食食食,食埋個碟底...

Moo:(再拍一拍Milo)你仲食,你又話要減肥,你個肚腩就快到地喇!

Milo:得喇!你同主人一樣囉唆,食埋哩餐先,聽日先減啦!

你哋知點解Milo咁肥啦!咪因為佢成日偷食囉!乖乖地努力啦...大家:)

留言

匿名說…
They are so cute! Will Moo have enough food anyway?

WS
匿名說…
Milo真係細蝦大,Moo對佢真係好好!
匿名說…
你都係多買一個兜, 分開佢地食啦, 如果唔係moo會餓親架!
匿名說…
大毛毛好慘呀!俾肥米路食哂d嘢!睇吓佢有無瘦咗先好喎!
匿名說…
段片Load咗好多次,你d貓貓真係好可愛!
匿名說…
我諗你都好錫佢哋!你既生活都多姿多釆吖,多d分享下你嘅生活啦!相信大家都想知!
yan
其實為咗幫米路仔減肥我已經用咗好多方法,而家我係會睇住佢哋食嘢而唔係放個自動盒,因為隻米路仔真係會食埋Moo嘅食物,有時見到佢都幾頭痛,唉!你哋就好啦!有我幫你哋整型,所以我已經開始自修貓貓營養學,睇下d關於動物營養嘅期刊,希望幫到佢啦!
大家唔駛擔心,大毛d體重維持得好好,而且大毛同我一樣,好鐘意運動,所以好fit!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。