營養師黃凱詩的生活點滴

2009年11月11日星期三

Plan B

激死人喇!原本諗住今晚跑3公里減下肥,點知,天有不測之風雲,無端端落大雨,不過幾滴雨唔會阻我嘅減肥計劃,決定用Plan B,今晚一於早D瞓,明天一早起身做魚,游多幾個塘,仲唔瘦!

你哋一定會話,你仲有咩可以減呢?已經好FIT...唔係...係好瘦!唉!你哋有所不知喇!下個星期,公司影全家福,所以全公司瀰漫著強烈嘅減肥風,個個同事又話要跟D咩咩餐單咁,無辦法啦!都唔知點解D鏡頭好黑人僧,明明係110磅就影到人變120磅,我就仲慘,出咗名唔上鏡,最怕就係個鏡頭,次次都影到我...唉!唔講喇,大家明啦!其實我真人比較好...睇:)大家一齊努力啦!

又無得去跑步,唯有陪下隻傻毛睇電視啦!吖!係呀!知唔知一邊睇電視一邊做咩好???唔係食卡樂C,係一邊做運動呀!因為時間會快D過嘛!唔好掛住睇我個Blog,要做運動喇!下次見我嘅時候,唔好同我講星期三晚因為落雨無做運動,我唔收貨傢!!!你一定有Plan B嘅!世上無難事,只怕有心人呀!

10 則留言:

匿名 說...

俾你講完有D慚愧,都係做一陣單車先喇!

匿名 說...

做運動直係好有效架, 全靠連續做咗两晚運動,我已經回復"勁擦"之前嘅磅數喇. 今晚要趕去街市入貨冇做運動, 聽朝再繼續! 加油!!!

匿名 說...

係呀!第一次見你都覺得點解你真人fit咁多嘅!!!

匿名 說...

極之同意你....真人好睇過相!!!

我真係有好多藉口唔做運動...
要多d比你鞭策下先得!!
我收到啦~要努力做運動先得!!!

tomato

Starry 說...

我好同意上鏡唔知點解會無端端肥左,所以我習慣經常幫自己影相,或許當中會有一兩張會見到正常版既自己.

匿名 說...

你仲減肥??唔好減啦!而家咪幾型!仲好fit!

匿名 說...

很欣賞你經常將好正面嘅信息帶俾其他人,努力!

匿名 說...

唔好意思,我想問燕麥片同即煮燕麥有咩唔同?
同埋燕麥有無分低卡低熱量個d??可以介紹邊隻燕麥o岩減肥食嗎? 唔該晒

Cynthia (黃凱詩) 說...

即食燕麥同要煮的有咩分別??一般尼講,要煮的較大粒較厚,水溶性纖維會高少少,但當然麻煩D啦!又要煮!但嚴格尼講分別不太大,但要小心,好多時即食麥皮會加糖同奶精,就要小心啦!

匿名 說...

毛毛好可愛,原來佢係電視迷!