營養師黃凱詩的生活點滴

2010年1月27日星期三

不要吝嗇...讚賞

有時候,能為其他人帶來歡笑,是幸福的!

今天,好不容易才騰空1個多小時,閃去中醫館覆診又找推拿師鬆一鬆,一見到中醫,她是這個開場白:幹嗎今天竟然有時間來看我,還做推拿?我於是說:沒辦法啦!你說我要做個乖乖的病人吧!要不然我的百日咳不會好!她當然點點頭啦!

接著,當她全神貫注地研究我的藥方之際,我對她說: 你真是很犀利,上星期五,我突然感到很不舒服,連同事也說我成隻病貓的樣子,但看完你之後,飲了兩劑茶,人就像叉了電一樣,老虎也打死幾隻,同事立即問我你的中醫叫什麼名!

老實說,我是說得誇張了,但中醫聽罷,會心微笑,連眼睛上的魚尾紋也看得清楚~一句說話,可以逗人高興,使人快樂,是這麼的簡單,但你又有否發現,平日的你,多了怨氣,少了讚美,人往往吝嗇讚美的說話,嘗試欣賞別人,其實很簡單。

讓我說個親身經驗吧!前幾天,一位減磅新丁拿了我的餐單,那天她很是著急,因為她發現,我給了她份量很大的餐單,於是希望我減少份量,我立即告訴她,不打緊,就跟著餐單吃,必定可以瘦下去,一星期後,她回來了,瘦了兩磅,她告訴我,你很犀利呀,我的細碼衫就靠你了!雖然入行已十一個年頭,這些簡單的說話,已叫我開心了好幾天!!!哈哈哈!人與人之間,很需要這些正能量吧!

我是一個頗喜歡逗人歡喜的人,我懂得想些東西令自己開心的,例如,明知杯中藥超苦,我就決定同朋友到咖啡廳,拿個咖啡杯用來剩藥,感覺是不是更好呢?我有一句格言,人是會唔開心亦會失落的動物,但我絕不容許這種感覺維持多於一天呢!試試吧!

這個星期要繼續食苦口良藥,唯有找甜品送藥,無論你需唔需要飲苦茶,推介這超級抵又甜又好味的韓國士多啤梨,好正架,唔信,你睇下喇...無哂!

佢唔止好食,仲要勁低於,一粒約有3卡,1份水果,食15粒都得啦!

係咪好靚呢?唔係D士多啤梨,係我張相呀!

12 則留言:

匿名 說...

你影的相又的確幾靚喎~

(哈~學你話齋, 要多讚賞別人,
你都係想我地讚下你的攝影技術啫~
係咪好識做呢~)

不過我係真心覺得靚架~

另外,我唔係用iphone,
google手機睇唔睇到730架?

tomato~

匿名 說...

我噚晚都有買韓國士多啤梨呀!真係又甜又好味!

name 說...

Hi, Can you give me your 中醫 name? I tried the strawberry, not bad. thanks Winnie

匿名 說...

I also want to have the contact of your chinese medicine doctor ah, can you give me as well? I always feel sick and can't find a suitable doctor, sigh!!!! Please la! stephanie

匿名 說...

讚美這些正能量真的神奇, 尤其在減肥期間..........

我是你們的過氣戰友, 就是有些時候自己不能按餐單做人, 引致效果不大理想, 見到你們時, 其實自己都心中有愧, 但你們還生怕我不明白似的, 加強我錯在那錯在這的訊息, 今我好有壓力, 每次都戰戰兢兢的上磅及面對營養師, 最終下來我都可以減去八磅肉, 但正因為這壓力, 最終推我去到暴食的境地,,,,,,,,,現在當然肥番哂啦, 重要面對暴食這大難題.................

匿名 說...

我都經常因為你成日讚,先有動力努力下去!謝謝你!

匿名 說...

我好想調理個身體, 但又搵唔啱中醫, 唔知你可唔可以俾佢個地址我呀, thx!!

symavis =]

匿名 說...

你說的那位戰友,是不是我呢?我就是上星期要求你將我的份量減少呢!所以今天看了這篇文章感覺很是親切!
wincy

匿名 說...

你篇文章,真係想話你好抵死呀!我都聽你講今晚買士多啤梨先!

匿名 說...

Happy Birthday to Milo! 喵喵!!

Cynthia (黃凱詩) 說...

見今日有少少時間,回覆下大家嘅查詢先:

首先,我真係唔太清楚am有沒有google的手機版,好似nokia嘅機係可以睇度架!

而我個中醫叫馮玖,個醫館名叫馮玖國醫館,係銅鑼灣,好近我公司的,個地址唔係好記得,上網search下啦!

另外,親愛的戰友,我經常同朋友講,嘗試不要將減磅行動放於人生的中心點,試下將時間安排更多的活動,令自己離開食物引誘的源頭吧!另外,一個人的力量是有限的,多些找人傾訴,運動是一個不錯的幫手,運動後可產生開心的賀爾蒙,能控制胃口呢!努力加油!你一定做得到的!

好啦!真係要同Milo慶祝生日喇!Milo也努力減肥中,也要大家支持,今天就放他一天的假吧!

femme secret 說...

想問下,士多啤利係低卡,但唔係糖份高呢,一份水果都可以食15粒咩?