跳至主要內容

唔好再烚烚下喇!

死啦! 唔知係咪我嘅表達能力有D咩問題,連日來,我經常俾人問:營養師呀?食烏冬係咪可以減肥?真係唔知係咪上個禮拜係個專欄度表達得唔清楚,定係大家見我成日好鬼鍾意食烏冬,又見我咁Fit,所以以為食烏冬可以減肥呢?好啦好啦! 講清楚多一次,這個世界,仍未有食物可以直接幫大家減肥,只係有D食物,俾到同一個飽肚感我哋,但係A比B低熱量,所以A咪可以令我哋攝取少D熱量又唔肚餓囉!

其實唔只係烏冬,上面幅圖嘅通粉都係熱量低的五穀食物,吖!係喇! 見倒D通粉,大家會諗住點煮呢? ...烚囉! 唉! 戰友呀戰友?可唔可以唔好再烚呀?這個通粉仲有其他煮法啫!好,同上面D Hello mimi 變身先,睇下...
係咪好靚呢?用低脂蘑菇湯加雞肉同粟米粒粒煮架! 唔係烚,好好多啦!好再睇多一個...

佢都係一個我最鍾意的有記鮑魚麵,其實阿爸話壽桃牌都好好食,唔緊要啦!都是低熱量的五穀選擇,又點煮好呢?又烚呀?唔係啩!
係就係烚咗先,慢慢睇落去啦!



煮軟咗之後,炒麵呀!講清楚D,係鴛鴦炒麵,你唔會好似我咁有閒情逸緻做鴛鴦炒麵,咁咪唔好咁貪心,炒一個麵都得啫,你有1茶匙油嘛!


這是辣椒蜆肉炒鴛鴦麵呀!嗱!唔好再成日烚下烚下喇! 減磅,也可以多姿多采架!

留言

匿名說…
多謝,你的好介紹!多D選擇!
匿名說…
simple and delicious. Thanks a lot!!!!
匿名說…
真係好鬼掛住你個blog嘅文章啦!現在滿足哂!
匿名說…
The fried noodles are nice, but I like the backdrop better. Wakakaka !
匿名說…
黄小姐你好!
我是屯門區保良局百周年李兆忠紀念中學的學生
我們在做一個有關瘦身同潮流的PROJECT
我們想向你詢問幾個問題
方便嗎?
請你發EMAIL至:
yi_0309@hotmail.com
Thank you!
匿名說…
"真係好鬼掛住你個blog嘅文章啦!現在滿足哂!" x2 haaha

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

酸酸地的雪糕

講明先,我絕對唔係想介紹圖中的乳酪雪糕,唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度,果頭食完台灣麵線同珍珠幼茶,前後唔夠一年,又換畫,成個街頭都係froyo,即係乳酪雪糕啦!但係面對這些新到產品,作為營養師,有時都幾懊惱,因為這些街頭小食,是沒有營養標籤的,最慘係佢哋成日以健康招徠,於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕,前者一定優勝D,因為佢哋都加有活性乳酸菌,對腸臟都健康D啦,仲可以增強抵抗力,但問題係,乳酪是由牛奶經乳酪菌發酵而成的,所以都幾酸,就係因為佢酸,大部份人都較難接受,所以好多時會加糖囉! 所以呢,佢哋好大機會陰D陰D甜死你。 我就親身用我個銀針口試過兩間,一間是上圖那間,另一間是自助服務的,自助服務那間是由美國來港的,美國的網頁,就有原味的熱量,每100克75卡,脂肪是0的,但有兩茶匙糖,如果Keep Fit朋友要食,1次食100-150克尚算可接受,不過佢都幾奸架,網頁只有原味的營養資料,其他口味呢,都沒有顯示,聰明人應該知點解啦! 但我頭先同車厘子講,佢就話唔鍾意這間,點解?好簡單...好酸囉,我食完都酸到震咗一震,但我都幾鍾意。 那間yogo,就沒有營養資料,但我的銀針口話我知因為唔酸,所以有機會多加了糖... 其實外國有一間叫pickberry,佢個網頁的營養資料都好詳細,可以參考吓,100克的綠茶froyo,110卡,糖份已有20克,即4茶匙糖,都好高糖架,其實大部份都係咁,仲要記住,大家一次唔只食100克呢?所以,量力而為啦! 戰友們少食少食為佳。講真,真金不怕紅爐火,如果真係低糖低脂,就話俾大家知佢嘅營養資料,咁大家咪可以做個聰明選擇囉! 忠告大家一句啦! 酸酸地...會好D!