跳至主要內容

無題

唔知點解今日好多嘢都想講,但個頭腦有D混亂,所以都係用無題開始...

近日經常發覺戰友買錯咗D低脂高糖乳酪做早餐,所以都係同大家溫個習先,好喇!上面有好多種顏色但同一個牌子的乳酪,應該點揀呢?我講Yoplait呀...俾3分鐘大家記下?

記緊嘅時候,介紹隻幾好味嘅新產品俾大家先,牌子叫muller-light,我喺market place買的,都是少咗糖的產品,同時當然係減咗肥啦!有4隻味道嘅,有機會就試下啦!特別係唔飲得奶嘅戰友,另外若果你成日便秘或者腸胃唔好,都可以試吓。

好喇!知唔知揀邊隻yoplait先係低糖低脂呀!咪就係左手面藍色果隻...咪唔食得囉,Hahahahaha太多糖喇! 只係減咗肥啫,咁中間隻橙色呢?佢咪減肥前囉,是全脂的乳酪,所以要認住綠色的,才是適合戰友的乳酪呀!講完!

跟住想同大家轉個話題,今日有一個好熟嘅朋友問我做機可唔可以減肥,我就同佢講,佢只係將D脂肪推來推去,令你覺得局部瘦咗,簡單來說,可用這個道具解釋,這個是減肥前的肥肚腩...

跟住,推呀推呀,話都無咁快,得咗,睇吓,有哂腰,咁你哋明白做機減唔減倒脂肪啦!

點知我個Friend原來係問我做跑步...機減唔減倒肥,鬼咩!咁就唔係做機叫做運動啦!激鬼死!
唔講喇!你哋睇吓moo moo都瞓咗喇! good night!

留言

匿名說…
Yoplait 食緑色丫嗎! 我仲記得.
我昨晚都想問妳跑步....機同跑步嘅分別呀,仲有嗰一堆問題呀! 我一於停工唔做運動住, 等妳覆我! :)
匿名說…
九命 says :

Plain yogurt + fresh Papaya puree (use a blender) = healthy home-made Thousand Island salad dressing. Goes well with any salad. Try it if you have the time.
匿名說…
我想請問只是以乳酪做早餐而不吃其他食物, 如麵包, 可不可以呢?
匿名說…
嚇死我.....你一開頭講藍色..我幾驚自己買錯呀!

此外,我想問...
其實減肥期間都想買D牛油搽下包..
但佢好多都話低脂..
如果有幾包比較..通常我都會攞晒咁多款睇下成份,但如果得一款,我就唔係咁識分!

我始終都記唔到點計個營養標籤岩使岩用?

另外,我想問多少少,如果做甜品,
咁北海道牛奶一定最香架喇!
但脫脂奶...味道係咪一定差D哩!

Vani
其實你只需買普通植物牛油就可以了,因為就算減肥期間,每餐都應用1茶匙油呢!低脂的牛油售價較貴呢!
北海道牛奶是全脂的,太肥了。
說…
Yoplait no fat yogurt也是我這陣子的新發現,在某些百佳有賣,長期12.5/12元2盒嫁!我試過曬strawberry mango同berries,strawberry最正!!我個blog之前都寫過~http://wheatylife.wordpress.com ~
另外呢,我想問下你,運動係減到肥,但係如果我食keep住1200卡,做開運動但冇瘦到,做少左又肥少少,係咪即係我身體慣左burn1200卡 1 day,我要increase cardio呢?
匿名說…
我剛剛試了你提議的Yoplait綠色yogurt, 但開出來是水狀, 是正確嗎?

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。