跳至主要內容

點只個餐咁簡單

這個post原先想昨天post上來的,但是,太累了,什麼也不想做,只想躺下來,睡個夠,可惜...周公找不到,輾轉反側,真的閉上眼,已是五時多。

昨晚,講座完成後,各同事放下行李,金美小姐問:今日幾多號? 車厘子答: 4月8 日囉! 我同金美立即說: 今日換漢堡神偷同滑嘟嘟呀?快D落去食麥當當啦!集齊各人所需的公仔份量,我哋就一枝箭咁飛落去。

好...有D新朋友可能唔認識佢,佢叫金美,係我隻右手,左手車厘車病倒了,所以準佢留在公司等...由於成公司都係未長大的80前,所以一共要買七隻,我哋研究咗一陣,買18蚊換1隻,咁要7隻?! 點食呀!?

講你都唔信,當我哋研究緊點買卡路里會最低之際,唔知點解,金美竟然用咗佢D美色同鮮有的溫柔,氹掂個經理哥哥俾佢用一杯ZERO可樂同1大個漢堡包嘅價錢,就換哂果7隻,簡直就係千奇百趣。師奶金正點數,仲要睇下D公仔有無變形,好鬼稱職...尼方面囉...呵呵呵!


睇下我就知大家有幾滿足...

講開尼間餐廳,我細細個果陣都唔知呃咗幾多個包食,點解?好簡單...你只要行去店員哥哥面前,用9秒9嘅速度講...
雙層牛肉巨無霸;醬汁洋蔥夾青瓜;芝士生菜加芝麻;人人食過笑哈哈...就可以有包食,我噚晚都係講座表演過一次啦! 不過改咗最後一句;應該係人人食過...肥死啦!
戰友呀戰友,千奇唔好貪平,用20蚊會換來920卡,未計個餐杯飲品架,但仲有嘢送,賞你差唔多10茶匙油呀!10茶匙油喎,夠你3日用啦!
仲有,佢推廣期間,我哋一班營養師高度戒備,唔好打算係個飲食日記寫3片芝麻包+2片牛肉+少許洋蔥+幾片青瓜+1片芝士+幾塊生菜呀,暫時唔好食住啦!無哂肚腩仔,減肥成功後先食仲得!
戰友們,作戰中,加油呀!

留言

Starry說…
金美將來一定係個好太太, XDD, 請到佢做員工都係公司既福氣!
哇.........920卡+10茶匙油? 好恐怖.....好彩我幾年都無食過.
btw, 呢兩日報紙報導外國既無包炸雞漢堡仲恐怖呢!
匿名說…
嘩!唔係呱!咁勁!好彩噙曰無買啫,食一份餐咪即係成日嘅熱量!哈哈!不過你好攪嘢!這個星期沒有你的稿呀!悶死人啦!
Lilac Chong說…
真係唔講唔知喎, 原來咁肥o家?! 不過我都有好深的體會, 望落唔肥的野食, 當你去煮的時候(eg. 湯圓, cake etc.), 先發現原來係落咗好多油去煮的......真係唔敢食啦
匿名說…
你個樣比D公仔更加可愛,而家好似細佬,但工作時又嚴肅又忍真,不過咁比較好,WORK HARD AND PLAY HARD,你都演繹得好全面!
匿名說…
80前係你地JA,我係80後架.....一陣人地真係以為我咁老呀


金美
Starry說…
我都係八十後呀!
Tony說…
我想問其實平時媽咪煲的「紅蘿蔔豬骨老火湯」會唔會好高calories??
會唔會好易飲肥??
thx
匿名說…
今日好開心呀!喺朗豪坊睇完何韻詩仲要喺又一城見倒你,兩個都好型呀!>
Starry說…
豬骨煲湯好肥的, 因為油份多.
BTW, 我一直覺得Cynthia同何韻詩有幾分似. 唔知係咪個名最尾叫"詩"所以咁似呢?
匿名說…
黃小姐:

請問點樣先可以減走個三下巴&縮細個胸呀?

心急人上
匿名說…
講開又講,何詩詩同黃詩詩都係我的超級偶像,我都想講好耐!佢哋嘅性格仲似呀!哈哈!
mimi
匿名說…
又係我呀?!今日好開心的人,而家仲興奮緊,上面的朋友,佢哋真係似到爆,今日見倒黃詩詩果陣,都有嚇咗一跳!佢哋屋企隻貓仲似!點都好,永遠支持佢哋囉!哈哈呵呵.........
karol
匿名說…
話時話我都覺得佢哋真係好似,髮型又似,身型又似,好型咁!!嘻!
匿名說…
兩位CC 仲有共通點, 就係:
工作認真, 而且喜愛菇菇.
匿名說…
我有補充,兩個都係燥底同古靈精怪!哈!原來我鍾意嘅嘢係一樣架,唔怪得知啦!
Starry說…
"黃詩詩好似何詩詩", 引來好大迴響呢......

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。