營養師黃凱詩的生活點滴

2010年6月15日星期二

世界杯小食

上星期一,有位朋友同我講,佢話要買定D世界杯小食返屋企,點知我星期三去佢屋企食飯,世界杯都未開始,佢就已經食哂所有零食,你估下我尼位朋友一個月後會變成點?

好彩,又有新嘢介紹俾要睇波嘅戰友過下口癮,其實佢09年中都出現過,家陣又返嚟啫! 計完之後,食12片=1份五穀+1/2份脫脂,佢有好多種味,我試過芝士味同酸洋蔥味,芝士味較濃,鍾意食以前隻芝士圈的朋友可以試下,相反,酸洋蔥味酸溜溜的,味道相對較淡,其實佢係糙米同粟米做的,有纖維架,但當然有少少油啦!所以換算上就要多計1/2份脂肪了。

但戰友話我知,只係吉之島有得賣,如果大家見過佢喺邊出沒,就話俾大家知啦~

8 則留言:

匿名 說...

剛剛見到康怡吉吉島有很多貨,仲減緊價。
它算不算咸?

Grace Sze Man 說...

我係中環360見過有得賣

Cynthia (黃凱詩) 說...

我手上那包芝士味的,應該是各口味中最鹹的,食12片,約是276毫克鈉質,即1日所需的13.8%,可以接受啦!若什麼鹽也沒有,就沒人食喇!情況應該比蝦餅好的。

C :P 說...

康怡吉吉島有啊? 一陣去睇睇先 thanks thanks ^^~

hamsterbbhk 說...

我第一次晌沙田吉之島買到,之後特登去云但係云唔到.d員工話哩隻rice crackers冇上架既,通常做推廣先會有得賣.
後來我打電話去問代理果間公司,marketing既同事就講左比我知沙田吉之島幾時再有promote囉.

匿名 說...

買左喇 ~~ $12.8 @ JUSCO
不過未開黎食呀 ~^O^~

匿名 說...

我都買咗!今晚睇西班牙先試下!我買咗芝士味呀!

匿名 說...

我今晚係荃灣吉之島見到有得買。